حب في الانتقام *الجزء الثاني *

⚜الفصل الثامن عشر⚜

الفيديو زي اقتباس احداث بين مروان و رغدة

افضل شيء في الحياة هو الحب و افضل انواع الحب الذي يأتي بالحلال يزين حياتنا

كانت نازلي تتحدث مع أمير على الهاتف

نازلي بغضب : ها اتصلت ليه يلا اتكلم عشان مشغولة

أمير :نازلي انتي صوتك متغير كدا ليه

كانت نازلي تحاول كبت دموعها من الانهمار بسبب موقفها الذي تسببت فيه فهي الان تمنع نفسها من التقرب نحو أمير بسبب خطوبتها

نازلي : لو مش عاوز تتكلم هاقفل يلا سلام

و اغلقت الخط في وجهه

اسيل : نازلي في ايه انتي ....

و هنا احتضنت نازلي اسيل و هي تبكي

نازلي ببكاء : مش عارفة اعمل ايه انا باحبو يا أسيل و مش قادرة اتصرف

اسيل بحزن لحال صديقتها : افسخي الخطوبة يا نازلي دي حياتك و انتي حرة مش هيجبرك تتجوزيه افسخي الخطوبة و ريحي نفسك

نازلي و هي تمسح دموعها : بس مكسوفة اوي من الموقف اللي حطيت فيه نفسي انا بقيت انانية اوي كدا و لعبت بمشاعر يوسف

لميس بغضب : دي حياتك و الجواز مش لعبة هتدفني حياتك مع حد ماتحبهوش و تقولي مايصح العب بمشاعر يوسف دا انتي هتبقيس تفكري في أمير طول الوقت و مش هتهتمي حتى فيه يعني تفسخي الخطوبة انسب حل ليكي و ليوسف و لأمير و تريحي ضميرك من اللي عايشة فيه

اسيل : والله عندها الف حق

نازلي بتفكير : صح بنات

ثم اكملت بتصميم : بنات انتو خلصو و انا رايحة مشوار و هارجع

خرجت من البيوتي سنتر و نظرت الى الخاتم مطولا و ابتسمت لتنزعه من اصبعها و تطلب سيارة اجرة

...............................................................................................................................................................

اماعند هدى كانت تنظر الى والدتها بصدمة

هدى : ماما انا مش هاتجوز لا رياض و لا غيرو انا مش عاوزة اتجوز و اعيش اللي انتي عايشاه مع بابا كفاية انك دفنتي نفسك و عاوزة تدفنيني انا كمان ؟

سهيلة بغضب : ماتقلليش ادب معايا و وافقي احسنلك و كمان هو غني مش هيخليكي تحتاجي اي حاجة انتي عاوزاها

هدى بغضب : انتي مستحيل تكوني امي لاء مستحيل للدرجاتي عنيكي على الفلوس بس انتي ما عندكش قلب

غضبت سهيلة من تلك الكلمات لترفع يدها و تصفعها بشدة

هدى و هي تمسك مكان الصفعة : بتضربيني عشان قلتلك الحقيقة يعني بالقلم دا هيخليني اوافق على ابن ****** اللي انتي اخترتيه