[Zawgyi]
၂၀၂၀ ၊ ဇွန်လ ၂၁ ရက်နေ့ ၊ တနင်္ဂနွနေ့
ဦးမြတ်ကျော်ခေါင် မပျောက်ဆုံးခင် ဆယ့်နှစ်ရက်အလို ...
မွန်းလွဲပိုင်း နှစ်နာရီခွဲခန့် ရှိနေပြီဖြစ်တာကြောင့် ဒေါ်ရည်မွန်မှာ အပေါ်ထပ်က အခန်းထဲမှာရှိနေတဲ့ ဦးမြတ်ကျော်ခေါင်ဆီ အအေးပို့ရန် အသင့်ဖျော်ထားသည့် အအေးခွက်လေးကို ပန်းကန်ပြားလေးတစ်ချပ်နှင့်ခံကာ အိမ်အပေါ်ထပ်ကို တက်လာခဲ့သည်။ အိမ်မှာလူပိုလည်း မထားတတ်တာကြောင့် အိမ်ကြီးတစ်အိမ်လုံးကိုထိန်းသိမ်းဖို့ ဒေါ်ရည်မွန်တစ်ယောက်တည်း ကောင်းကောင်းမနိုင်နင်းတာကြောင့် ဖုန်မှုန့်လေးတွေ အနည်းငယ်တင်နေသည့် ကျွန်းလှေကားထစ်တွေကို တစ်ထစ်ချင်းစီး နင်းဖြတ်ကျော်လာသည်။
ဒေါက် ! ဒေါက် ! ဒေါက် !
ခန့်ထည်လှသည့် ကျွန်းတံခါးကြီးကို ဒေါ်ရည်မွန်က လက်နှင့် သုံးချက်လောက် ဆင့်ခေါက်လိုက်သည်။
" ရည်မွန်လား ... ဝင်လာခဲ့လေ ရည်မွန် . အကို ဂျက်မချထားဘူး "
" ဟုတ်ကဲ့ အကို ... "
အိပ်ခန်းအတွင်းမှ ခင်ပွန်းဖြစ်သူရဲ့ ခွင့်ပြုချက်ကို တန်းရတာကြောင့် တံခါးကို ဖြည်းဖြည်းချင်းလှည့်ဖွင့်လိုက်သည်။ အခန်းထဲကိုရောက်သည်နှင့် ဒေါ်ရည်မွန်က ကျွန်းတံခါးကို အသာစေ့ပိတ်ရင်း ဦးမြတ်ကျော်ခေါင်ထိုင်နေသည့် စာကြည့်စားပွဲနား လျှောက်သွားကာ လက်ထဲမှာကိုင်လာသည့် သံပုရာရည်ခွက်ကို စားပွဲပေါ်ချပေးလိုက်သည်။
" သံပုရာရည်လေးသောက်ဦး အကို ... အလုပ်တွေများနေတာလား "
" များတယ်ရယ်လို့တော့လည်း မဟုတ်ပါဘူး ရည်မွန်ရယ် . ဒီရက်ပိုင်း ခြံထဲမှာက အလုပ်တွေပါးပါတယ် ... ဒီကာလကတော့ ဒီလိုပါပဲ "
" ဟုတ်ကဲ့ အကို . လောဘကြီးပြီး အလုပ်တွေလဲ အရမ်းလုပ်မနေပါနဲ့တော့ ... အသက်ကလည်းရလာပြီလေ ... နားနားနေနေလေး လုပ်ပေါ့ ... အိုစာမင်းစာလည်း လောက်ငှနေပြီ . သားလေးတစ်ယောက်အတွက်လည်း စားမကုန်လုံလောက်နေပြီမဟုတ်လား "
ဒေါ်ရည်မွန်က ထိုသို့ပြောလိုက်တော့ ဦးမြတ်ကျော်ခေါင်က လက်ထဲမှာကိုင်ထားသည့် စာအုပ်ထူထူကို ရောက်ရာစာမျက်နှာတွင် ကတ်လေးတစ်ခုနှင့် အမှတ်အသားပြုကာ ပိတ်လိုက်ရင်း ခေါင်းတညိတ်ညိတ်နှင့်ပြုံးသည်။
![Unconditionally [Completed]](https://img.wattpad.com/cover/234289508-64-k382417.jpg)