[Zawgyi]
ထုံးစံအတိုင်း လူသတ်မှုနဲ့ ပတ်သတ်တဲ့အမှုကို ဖော်ထုတ်နိုင်ခဲ့ပြီဖြစ်တာကြောင့် ရဲစခန်းတစ်ခုလုံး အလုပ်များနေကြသည်။ ညနက်နေသည့်တိုင် ဘယ်သူမှ အနားမယူရသေး။ တရားခံတွေလို ယူဆရတဲ့သူတွေကို စိုးသိန်းက ဂုတ်ကဆွဲပြီး စစ်ဆေးရေးအခန်းထဲ ခေါ်သွားမှသာလျှင် မဟာရုံးခန်းထဲကခုံမှာ ခြေပစ်လက်ပစ်ထိုင်ရင်း အနားရတော့သည်။ အလုပ်ရုံက အခန်းထဲမှာ ကြမ်းပြင်နဲ့ခေါင်းနဲ့ ဆောင့်မိလို့ သတိမေ့သွားတဲ့ မိနန်းက သတိရလာပေမယ့် နဖူးကွဲသွားတာကြောင့် မဟာ့ ရုံးခန်းထဲကခုံမှာခေါ်ပြီး ရဲမေလေး တစ်ယောက်က ဆေးထည့်ပေးနေသည်။ လင်းသွေးက စိုးသိန်းနဲ့အတူ စစ်ဆေးရေးအခန်းဘက်လိုက်သွားတာကြောင့် ရုံးခန်းထဲ မဟာရယ် ဆေးထည့်ပေးနေတဲ့ ရဲမေလေးရယ် မိနန်းရယ် သုံးယောက်သာရှိသည်။
"ဟို ... ကျွန်မဘာမှမသိပါဘူး . မဟုတ်ဘူး . ဒီကိစ္စက ကျွန်မနဲ့ဘာမှမပတ်သတ်ပါဘူး ... တကယ်ပါ"
"အဲ့တာဆို နေ့လည်က ဘာလို့လိမ်ခဲ့တာလဲ"
"....."
ဆေးထည့်လို့ပြီးတော့ အထစ်ထစ်အငေါ့ငေါ့နဲ့ မဟာ့ကို စကားစပြောလာတဲ့ မိနန်းက မသိကြောင်းသာ အငြင်းစကားဆိုသည်။ မဟာက မရယ်မပြုံးမျက်နှာနဲ့ မိနန်းရှေ့ကခုံမှာဝင်လိုက်ပြီး ခြေချိတ်ထိုင်လိုက်သည်။ ဆေးထည့်ပေးနေတဲ့ရဲမေလေးကတော့ ဘေးမှာ မတ်တပ်ရပ်ရင်းစောင့်နေသည်။
"ကြောက်လို့ပါ ... ကြောက်လို့ ... မလိမ်သင့်မှန်းသိပေမယ့် ကိုလင်းက ညီမပြောရင်လဲ ညီမကို သတ်မယ်ပြောလို့ ... အလုပ်ထွက်သွားတဲ့ စုစုကို လွှဲချရင်ဘယ်သူမှမသိဘူးဆိုပြီး ပြောလို့ပါ"
"လိမ်ပြောတော့လဲ အခုသူကမင်းကို ဘာမှမလုပ်ပဲနေလို့လား"
"ဟင့်အင်း"
"ပြောပါဦး ... ငါတို့နဲ့ မတွေ့ခင်က မင်းကို ရိုက်နှက်ပြီး ဆံပင်ဆွဲနေတာ ဘာဖြစ်ကြတာလဲ"
"ညီမက ရွာပဲပြန်ချင်တယ်လို့ပြောတာကို ကိုယ်လွန်ရုန်းရမလားဆိုပြီး ဆံပင်ဆွဲပြီး ရိုက်နှက်တာပါပဲ"
"မင်းက ဒီလူသတ်မှုမှာ ဘယ်ကဘယ်လိုပါလာတာလဲ"
"အဲ့တာက . အဲ့တာကလေ ~"
![Unconditionally [Completed]](https://img.wattpad.com/cover/234289508-64-k382417.jpg)