အချိန်ကမနက်ခင်းစောစောဖြစ်၍ တောင်ပေါ်ဒေသမို့
အအေးဓာတ်လေးအနည်းငယ်ရှိနေသည်။
ပုံမှန်ထက်စောစောနိူးနေတဲ့ဇိမ်းမှာ
နိူးထဲက ဝရံတာဘက်သို့အလိုလိုရောက်သွားရင်း နှင်းဆီခြံဘက်သို့လှမ်းကြည့်မိ၏။
အနီသွေးတစ်ယောက် ဘယ်ချိန်ထဲကများထနေလည်းမသိ နှင်းဆီတွေခူးနေတာများ ဘေးမှာအပုံကတော်တော်တောင်ကြီး၍နေပြီ။
ဇိမ်းမှာ လူယုတ်မာအပြုံးပြုံးကာဖြင့်
မြန်မြန်မျက်နှာသစ်သွားတိုက်ကာ ခေါင်းဖီးခြင်းကိုလည်း သွက်သွက်သာလုပ်ဆောင်ပြီး
အနီသွေးရှိရာကိုကော့ကော့ ကော့ကော့နှင့်ထွက်လာခဲ့တော့သည်။
သံတိုင်တွေနှင့်ကာရံထားသည့် ခြံရဲ့စည်းရိုးမှာ နှင်းဆီပင်တွေကို အပြင်လူများသံတိုင်ကြားကနေ လက်လှမ်းခူးလို့မမှီနိုင်ရုံသာကွာဝေးတာကြောင့် ထိုသံတိုင်များနှင့် နှင်းဆီပင်များကြားကနေရာလေးက လူသွားလမ်းကျဉ်းလေးသဖွယ်။
အနီသွေးမှာ ထိုလမ်းကျဉ်းလေးတွင်ရပ်ကာ
ဘေးဆုံးက နှင်းဆီပန်းတွေကိုခူးနေ၏။
အပွင့်လိုက်ရောင်းတဲ့ဖောက်သည်တွေအတွက် မနက်တိုင်းခူးရတာဖြစ်ပြီး
ဆူးမဲ့မဟုတ်လို့ခူးသည့်အခါအာရုံစိုက်ထားရသည်။
ပန်းအရေအတွက်ကများတာဖြစ်လို့
မနက်အစောပိုင်းတွင်တောင် အနီသွေးနဖူးစပ်တို့တွင်ချွေးစလေးတချို့သီ၍နေသည်။
မနေ့ညနေက ပန်းလာဝယ်သည်ဆိုသည့် ထိုဥပဓိရုပ်မကောင်းသည့်ကောင်လေးမှာ အနီသွေးရှိရာနားသို့ တည့်တည့်လာနေသည်ကိုလှမ်းမြင်လိုက်တော့ မနက်စောကြီး စိတ်ပင်အကျဉ်းတန်သွားသလိုလို။
အနီသွေးမျက်နှာကိုချက်ခြင်းသုန်မူန်ပြစ်လိုက်ပေမယ့် ထိုကောင်လေးကတော့ ပြုံးစစဖြင့် အနီသွေးအားပြုံးပြနေသည်တဲ့။
သို့နှင့်အနားရောက်လာပြီး...
"ဝါး...ခူးလိုက်တော့ပန်းတွေအများကြီးပဲနော်
ရောင်းဖို့လားဦးသွေး
ကျွန်တော့်ကိုလည်း နည်းနည်းလောက်ရောင်းပါဦး"
အနီသွေးကတော့ ထိုစကားကို မကြားချင်ယောင်သာဆောင်နေလိုက်၏။မနက်စောစောဖြစ်လို့ ဒေါသမထွက်ချင်သလို ပြဿနာလည်းမတတ်ချင်။
ပန်းတွေကိုမြန်မြန်သာခူးနေပြီး အတွင်းပိုင်းတွေကိုအရင်ခူးခဲ့မိတာကိုလည်း နောင်တရနေမိသည်။
YOU ARE READING
ႏွင္းဆီပုံျပင္/နှင်းဆီပုံပြင်(Completed)
Romanceလူ့ဂွစာနှင်းဆီခြံပိုင်ရှင်ကြီးနဲ့ ခပ်ဆိုးဆိုးအချွဲစိန်ကောင်လေးတို့အကြောင်း...။ ### လူ့ဂြစာႏွင္းဆီၿခံပိုင္ရွင္ႀကီးနဲ႕ ခပ္ဆိုးဆိုးအခြၽဲစိန္ေကာင္ေလးတို႔အေၾကာင္း...။
