" தம்பி நீ எங்கேப்பா போற? எங்கேன்னு சொல்லு நான் இறக்கிவிட்டுறேன் " என்றார் தனுஷ்கோடி.
அவன் எதிரே நின்றுகொண்டிருந்த அந்த விலையுயர்ந்த காரையும் தன்னையும் தன் உடையையும் ஒரு முறை பார்த்தவன் சிரித்தான்.
" வாணாம் சார். அதோல்லாம் சரிப்பட்டு வராது. காரு அழுக்கா போயிடும் " என்றான் ஆதீஸ்வரன்.
" அதெல்லாம் ஒன்றும் ஆகாது. வண்டியில் ஏறு " என்றார் அவர்.
" இந்த காரு " என்றான் அவன்.
" ஓஓ மறந்துட்டேன். வேற ட்ரைவர் வந்துட்டு இருக்கான். கொஞ்சம் வெயிட் பண்ணலாம் " என்றவர் அவனிடம் பேச்சு கொடுத்தார். ஒரு மரத்தின் நிழலில் நின்றுயிருந்தனர். ஆஷ்னா அங்கேயிருந்த கற்களை பொறுக்கி கொண்டிருந்தாள்.
" ஐய்யே அதை கீழே போடு. எத்தனை கசமாலம் என்னலாம் பண்ணிட்டு போச்சோ. சாரு நீங்க காருக்குள்ளால போங்க உங்க பொண்ணை கூட்டிட்டு " என்றான் ஆதீஸ்வரன்.
அவனின் வயதில் அவன் யோசிக்கும் சின்ன சின்ன பொறுப்பான விஷயமும் அவரை கவர்ந்தது.
" நீ என்னப்பா பண்ணுற? " என்று கேட்டார்.
" நான் கையாளு வேலைக்கு போறேன் சார்." என்றான்.
" படிக்கல? " என்று கேட்டார்.
" முடிச்சிட்டேன் சார் " என்றான்.
" பார்த்தா உனக்கு ஒரு பதினேழு பதினெட்டு வயசு போல தெரியுது. அதற்குள் என்னத்தை படிச்சு முடிச்ச? " என்று கேட்டார் அவர்.
" பன்னெண்டு சார். காப்ரேசன் ஸ்கூல்ல படிச்சேன். மார்க்கும் குறைதான். இப்போ ஒரு இரண்டு மாசமா வேலைக்கு போயிட்டு இருக்கேன் " என்றான் அவன்.
" ஏன் மேலே படிக்கல? " என்று கேட்டார்.
"கவர்ன்மென்ட் அதுவரை படிச்சா போதுமுன்னு சொல்லிடிச்சே. அதான் நானும் வேலைக்கு கிளம்பிட்டேன் " என்றான் அவன்.
" என்ன சொல்ற? கவர்ன்மெண்ட் எப்போ அப்படி சொன்னது? " என்றார் அவர் புரியாமல்.
YOU ARE READING
காதலின் மாயவொளி
Romanceஇரு நண்பர்களுக்கு இடையே ஆன மனப்போராட்டம் காதலை எப்படி உணர செய்கிறது என்று உணர செய்யும் கதை.
