«أهـل الهــوى»

«الفَـصْـل الثَـامِـن :فُـرَاق»

﴿ رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ ﴾ [الأعراف: 23].
___________________________
بينما عند ميار كانت واقفة امام المصعد تنتظره بملل :

"كويس انك واقفة هنا!"

نبست بها رهف التي تقترب من ميار رويداً رويداً قلبت ميار عيناها بملل وقالت :
"خير يا رهف عايزة ايه؟"

قالت رهف وهي تبتسم بمكر شديد :
"خير طبعاً كُل خير"

"متقولي يا رهف عايزة ايه اخلصي مش فاضيالك!"

قالت رهف وهي تقترب من الــ «سلم» بهدوء ماكر وبحقد شديد :
"كان بيحبك الاول ومبصليش ومش عارفة كان بيحبك على ايه بصراحة! ضيعتيه من ايديكي بسذاجة وجه خطبني وقبلت مع اني عارفة اني سد خانة ليكي بس اني اشوفك وانتِ مقهورة قدامي وهي رايح يتجوز غيرك دة كان حلمي من صُغري سابني وبرده علشانك مش عارفة انتِ عاملاله ايه يا خطافة الرجالة خطفتيه مني مرتين!، انا بكــرهــك!بكرهك اوي من واحنا صغيرين من ساعة ما كنتي معايا في المدرسة ،خليكي زي ميار يا رهف ،شوفي ميار طالعة الاولى خليكي شبهها ،ميار دخلت ثانوي مرتاح وانتِ دخلاه بالعافية يا رهف ،ميار دخلت طب بمجهودها وانتِ دخلاه بالفلوس يا رهف ،خليكي زي ميار يا رهف ،خليكي زيها ،شوفي بتعمل ايه واعمليه!!! انا عايزة اعرف انتِ فيكي ايه ازيد مني!؟؟ فيكي ايه احسن مني!! بتعمللهم ايه؟ نفسي اخلص منك وارتاح!! ،بس ماشي ما انا مش هدخل نفسي السجن علشان واحدة زيك ،انا هدخلك انتِ السجن!!"

كل ذلك وميار تتابع حديثها بصدمة شديدة من كل ذلك الحقد نحوها!! ،وكُرهت ميار من رهف بسبب ليس بيدها! ،واتسعت حدقتيها اكثر عندما راقبتها تصرخ وتقول :
"حـــــرام علــــيكـــي يـــا مــيار سيبـــيني!"

انهت حديثها ثم اوقعت نفسها من فوق درجات السلم بمكر وخبث وهي تعلم ماذا سيحدث في ميار ،وتعلم ان بعد حديثها سيجتمع الجميع!...

وحدث ما كانت تريد اجتمع اهل المنزل يراقبون منة الغارقة في دمائها وميار الواقفة تضع يديها على فمها بصدمة من ما ستُعرض له من ظلم ...

اقترب إلياس من رهف وحملها سريعاً متوجهها للمشفى ،بينما نظرت زينب بغضب قائلة لميار :

"انتِ زقتيها!؟"

نفت ميار رأسها عدة مرات قائلة ببكاء :
"والله لأ مجتش جنبها"

اقترب منها محمود عمها الاكبر يقول بجدية :
"طيب اهدي علشان تعرفي تتكلمي،هاتيلها مياه يا ام طاهر"