BOOK 2: The HIM who loves Her...so much

24.1

(K E V I N)

Alas otso na ng gabi ako nakauwi ng Pilipinas, medyo nakaramdam na rin ako ng pagod, pero kailangan ko'ng dumaan muna sa opisina dahil may kailangan ako'ng pirmahan.

     “Sir, pumunta nga ho pala rito kanina si Ma’am Hani.” balita ni Lani sa’kin habang pinipirmahan ko ang financial statements.

     “Si Hani? Ano raw'ng ginagawa niya rito?”

     “Nagdala ho siya ng hapunan para sa inyo.”

     “Nalaman ba niya kung sa’n ako nagpunta?”

     “Gaya na nga ho ng bilin niyo, hindi ko ho pinaalam sa kanya.”

     “Good. Salamat, Lani.”

     “Walang anuman ho yun, Sir. Pero, Sir, muha'ng nagalit po ata si Ma'am Hani kanina.”

   Napangiti ako.

     "Ako na ang bahala'ng sumuyo sa asawa ko."

   Matapos ko'ng pirmahan ang mga papeles ay umalis na si Lani at dinala sa finance department ang na-aprubahan ko'ng budget para sa event.

   Dinampot ko ang cellphone ko at tinawagan si Hani na balita 'ko'y nagalit nang madatnan ako'ng wala sa opisina.

     “Hani.” pagbigkas ko ng pangalan niya.

     “Ba’t ka tumawag?” wala'ng gana niya'ng sagot.

     “Pumunta ka raw rito sa opisina ko?”

     “Nasa opisina ka na?”

     “Oo.”

     “Ganun ba? Eh kumusta naman ang lakad mo?”

   Napangiti ako.

     “Ayos lang.” I enjoyed teasing her.

   Rinig na rinig ko ang malakas na paghinga niya sa kabila'ng linya. Nagpipigil siya'ng sumabog.

     “Sa’n ka ba kasi nagpunta? Ba’t ang sabi mo busy ka sa trabaho mo?”

     “Busy nga ako. Pumunta ako ng Laguna.”

     “Sa Laguna?”

     “Oo, may inasikaso lang ako ron.”

     “Ganun? Eh ba’t kailangan mo'ng isekreto sa’kin?”

   Napangiti ako at sinagot ang tanong niya.

     “Sinabi ko kay Lani na 'wag sabihin sa’yo kasi gusto ko ako mismo ang magsabi.”

     “At bakit?”

     “Trip ko lang.”

     “May pa-trip-trip ka pa'ng nalalaman.”

     “Bakit? Ano ba'ng iniisip mo?”

     “Wala.”

     “Posible ba'ng wala? Hindi ka ma—”

     “Oo posible. Bye na nga, inaantok na ako.”

   She hang up.

   Natawa nalang ako at tinapos na ang naiwan ko pa'ng trabaho.

  

—

Pag-uwi ko ng bahay ay tulog na si Hani—yakap-yakap ang binili'ng stuff toy ni Stan sa kanya. Nakabukas ang bibig niya at may mahihina'ng paghilik.