Bente Kwatro

16. Bigat Ng Reyalidad

"Hello Alex?! Are you still with me?"

Napakurap kurap ako at hindi pinansin si Myra. Pasimple ko pang inilibot ang aking tingin sa paligid. Awtomatikong huminto ang mga mata ko kay Charm. God give me the strength to let her go. Panay ang ngiti at tawa nya sa taong kaharap at kausap nila ni Jin.

Ilang segundo lang ang lumipas, naramdaman nya siguro na may nagmamasid sa kanya kaya inilibot din niya ang kanyang tingin. Sinalubong ko ang kanyang mga mata na para bang may kulang na emosyon. Is she really happy? Bigla tuloy nag balik sa akin ang lahat.

"Gusto mo ako? Bakit? Kilala mo na ba ako?" Muntik na akong madala sa taglay nyang ganda. Mabuti na lang at saglit lang naglapat ang aming mga labi at agad akong natauhan.

"Oo gusto kita. Gusto na kita noong unang beses pa lang kitang nakilala. Bakit? Ang daming dahilan. Ang hirap isa-isahin. Kilala na ba kita? Siguro nga hindi ko pa kilala ang lahat sa'yo, pero gusto pa kitang makilala, Alexa."

Napailing-iling ako at napapalatak. Pinagmasadan ko pa siya mula ulo hanggang paa. Oo maganda siya. Wala kang maipipintas. Pero masyadong mataas ang tingin niya sa kanyang sarili na tila ba siguradong sigurado siyang makukuha nya ako. "Wala akong panahon sa mga experiments mo. Kung gusto mong mag explore, nagkamali ka ng taong pinili." Tinalikuran ko siya at nagsimulang humakbang palayo sa kanya. Hindi ko alam kung bakit may mga babaeng masyadong curious sa mga gaya kong lesbian. Magpapa-fall tapos hindi naman paninindigan. Hindi ba sila aware na may damdamin din kami at marunong din kaming masaktan.

"Alam kong mahirap paniwalaan, pero papatunayan ko sa'yo na mali ang iniisip mo sa akin."

Napatigil ako sa paghakbang at muli siyang nilingon. Is she really serious? Nagsalubong ang aking kilay. "Go home and ask your mother if she's okay with you being gay." Napapalatak ako at napailing-iling. Mga babae talaga! Muli ko na siyang tinalikuran at nagsimulang maglakad.

"Alexa!"

I sighed in frustration and turned around. "Goodness sake! Alex! Just Alex!" Dinaig pa niya si Mommy sa paraan ng pag tawag nya sa akin.

Nginitian nya lang ako at hindi pinansin ang aking sinabi. "One day, you'll love me and you will never want to break up with me!"

Hindi na niya ako hinayaan pang makasagot pa. Matapos niyang mag flying kiss, mabilis niya na akong tinalikuran at naglakad palayo sa akin.

I was stunned. Napatitig ako sa bulaklak na ibinigay nya. Muli akong napailing at napangiti saka sinundan ng tingin ang babae na ngayon ay unti-unti ng lumiliit sa aking paningin. Is she for real?

"Alex?!"

"What?" Binalingan ko si Myra na mukhang iritable na.

"Anong what?! Ang sabi ko kanina ka pang tinatawag nung babaeng naka black dress. Do you know her?!" Magkasalubong na ang kanyang kilay saka sinundan ng tingin ang babaeng tinutukoy nya. Napakunot noo ako. Now where did I see her?

"Hi Alex! How's life?" Ang lapad ng pagkakangiti niya nang makalapit siya sa amin ni Myra. Hindi ko pa napaghandaan ang ginawa niyang paghalik sa aking pisngi. Binalingan naman nya ang kaibigan ko. "Kamusta?"

I scratched my temple. I gave Myra a glance that's telling her that I don't remember the lady in front of us. "I was wondering when did we meet?" I made it sound so casual and not so offending.

Bigla namang nawala ang ngiti sa kanyang labi. "Am I that easily to forget Alex?" Malamyos niyang sabi saka pinaglandas ang mga daliri niya sa braso ko.

"Eherm.." Napatikhim si Myra at base sa nakikita kong reaksyon ng mukha niya hindi niya gusto ang babaeng kaharap namin ngayon. "Kahit ako, I don't know you." Nakataas ang kilay niya at pasimple akong hinawakan sa braso at hinila palapit sa kanya. Marahan pa nya akong pinisil.