ချစ်ခြင်းသက်​သေ ဉာဏ်ကလိမ် | ခ်စ္ျခင္းသက္ေသ ဉာဏ္ကလိမ္

Part-23

Unicode...

ကျွန်​တော်လက်ထပ်​တော့မယ်ဆိုမှ တစ်စုံတစ်​ယောက်ကို သတိရသွားတယ်။ ဦးလှ​ဆွေ​နေရာမှာ ရှိ​နေသင့်တဲ့လူ​ပေါ့။ ဒါ​ပေမဲ့ အ​မေ့စိတ်နဲ့ဆိုရင်​တော့ အ​ဖေကျွန်​တော်လက်ထပ်သွားတယ်ဆိုတာ​တောင် သိမှာမဟုတ်ဘူး။ တကယ်​တော့ အ​ဖေလည်း အ​မေ့လိုပါပဲ။ သူ့ရဲ့ ​နောက်အိမ်​​ထောင်ကပါတဲ့ သားသမီး​​တွေနဲ့ သူ့ဘာသူ အဆင်​ပြေ​နေပါပြီ။ အရင်က ကျွန်​တော့်ကိုဂရုတစိုက်ရှိ​ပေမဲ့ အ​မေ့​ကြောင့် ​နောက်ပိုင်း​တွေ ကျွန်​တော်တို့ မဆက်သွယ်ဖြစ်​တော့ဘူး။ အခုများဆို အ​ဖေ ဘယ်လို​နေ​​နေမလဲ။

"သား​​ရေ...ဖိတ်စာ​တွေရပြီ...လာကြည့်ပါဦး"

မြန်လိုက်တာ။ အ​မေတို့များ ကိုယ့်သား​လေးကို ​အင်မတန်လင်ယူ​စေချင်​နေတယ်ထင်ပါ့။ ကျွန်​တော်နဲ့​သော်ကြီး ရှိသမျှ​ငွေ​တွေအ​မေတို့ကို​ပေးထား​တော့ သူတို့ပဲ အစက​နေအဆုံး စီစဉ်သွားမယ်တဲ့​လေ။ ကျွန်​တော်ဖိတ်စာကိုဖတ်ကြည့်​တော့ ကျွန်​တော်တို့အလိုကျ​ပေါ့။ ဘုန်း​သော်ဇင်နဲ့ ​တေ​ဇောရာဇဆိုတဲ့ နာမည်နှစ်ခုကို အ​ပေါ်​အောက်မထားဘဲ ​ဘေးချင်းယှဉ်ထားထားတယ်။ ဖိတ်စာရဲ့ မျက်နှာတစ်ဖက်မှာ ​သော်ကြီး၊ တစ်ဖက်မှာ ကျွန်​တော်​ပေါ့။ ဟုတ်တယ်​လေ။ ကျွန်​တော်က မိန်းက​လေးမှမဟုတ်တာ။ သူ့​အောက်မှာ မ​နေနိုင်ပါဘူး။

ဖတ်​နေရင်း တစ်​နေရာ​ရောက်​​တော့ မျက်​မှောင်ကြုတ်မိသွားတယ်။ ကျွန်​တော့်အ​ဖေ​နေရာမှာ ဦးလှ​ဆွေတဲ့။ ဘာပဲဖြစ်ဖြစ်​လေ။ အ​ဖေ့နာမည်​တော့ ထည့်သင့်တာ​ပေါ့။

"အ​မေ...ဒါဘယ်လိုဖြစ်တာလဲ...အ​ဖေ့ကိုအသိမ​ပေးချင်​​တောင် ကျွန်​တော်က သူ့သား​လေဗျာ...နာမည်က​တော့ ထည့်ရမှာ​ပေါ့"

"သားကလည်း...ထားလိုက်ပါ​တော့...ဖိတ်စာ​​တွေက ရိုက်ပြီးကုန်ပြီ"

"ဟားး...အရင်ဆုံး​တော့ စမ်းရိုက်ပြီး ကျွန်​တော်တို့ကိုပြသင့်တာ​ပေါ့"

ကျွန်​တော်လည်း ​ဒေါသထွက်မိတာနဲ့ ဘာမှဆက်မ​ပြော​တော့ဘူး။ အ​ခန်းထဲပဲဝင်​နေလိုက်​တော့တယ်။ အ​ဖေ့ကိုအဲ​လောက်ထိ စိတ်နာ​နေရလား အ​မေ။ ကျွန်​တော့်မှာ မင်္ဂလာ​ဆောင်မှ ဦးလှ​ဆွေရဲ့သား ဖြစ်သွားရတယ်လို့။