صحيت الصباح من نومة ماتعدّت الساعتين، فرشت أسناني وقعدت هالمرة وقت أطول من العادة، لأن موضوع الرسالة المجهولة ماهو قادر يطلع من راسي، مين بيكون مثلًا؟
خلصت وبدلت ملابسي وقررت أنزل تحت بعد مناقشات طويلة مع نفسي
عهد : السلام عليكم
كلهم كانوا مندهشين من دخلتي عليهم، نظرات أمي المبسوطة ماقدر أشيلها من بالي، حسيت بتوتر فضيع وأنا جاية أجلس بينهم
عهد : رد السلام واجب
كنت أحاول ألطف الجو بس قبل مايردون السلام فاجأني خالد وهو جاي يحضنني
خالد : حبيبة أخوها رجعت
عهد : خالد وع وخر
بعّد عني وناظرني بنظرة مصدومة
خالد : بنات الرياض كلهم يتمنوني وانتِ بكل بساطة تقولين وع!
عهد : مين هم بس دلّني عليهم
ضحكت عالخفيف وضحكه طالعه بالغصب عشان ما أحسسهم بشيء
محمد : شكلك ماتدرين إنه مخقق البنات في سناب نايف
أبوي رفع راسه عن الجريدة اللي معه بنظرته المخيفة وطالع في محمد
أبوي : نايف مين
محمد : ولد خالتي أمينة
خالد كان خايف من ردة فعل أبوي وكان جالس طول الوقت يناظر في محمد بنظرات توعد ثم يطالع فأبوي يستنى متى يعلن عن الجلد بس
أبوي : يا علياء
أمي : نعم
أبوي رجع يرفع راسه عن الجريدة
أبوي : تقولين لي نعم؟
أمي : والله عاد أرد بالرد اللي أبيه
كالعادة بدت هوشة أمي وأبوي اللي بكل جلسة لازم تصير
محمد : خلاص يبه حصل خير ماتعرف أمي يعني
أبوي : لا أكيد عارفها، المهم خالد لا عاد تماشي نايف سامع
خالد أخوي متوقع كل شيء من أبوي
خالد : بس ..
أبوي : اقضب لسانك بتقطع عن نايف غصب لا ترادد
أمي : وش فيه ولد أختي ماتطلع منه الشينه لا ياحبيبي خله ماهو بقاطعه
أنت تقرأ
عَهـَد
Romanceالشخصيات و العائلات ام نايف وريان (أمينة): نايف ٢٢ سنة ريم ٢٠ سنة ريان ٢٤ سنة أبو ريان(عبدالهادي) : لدن ٢٢سنة تالين ٨سنين هيام ٢١ نوف ١٧ ندى ٢٦ ام مجيد (بشاير) : مجيد ٢٧ سنة نجلاء ٢٥ سنة ابو اشواق(علي): زوجته تهاني أشواق ١٨ سنة ام محمد(علياء): محمد...
