[عيدكم مبارك و كل عام وأنتم بخير 💙، التشابتر هذا عيديتي لكم🙏]
" بدر تعقدت حواجبه من ألم قلبه على عهدته وباس يدي اللي بيده وهو يعاتبني
بدر : ماعهدت عهدتي تستسلم للتعب بسهولة، وين عهد القوية ها ؟
عهد : موجوودة يا عبدالله ، موجودة يا بدري "
تكلمت وأنا مغمضة عيني أحاول ما أبين وجعي رغم شهقاتي اللي بدت تطلع، ابتسم لما قلت اسمه القديم ومسح دمعته اللي تطرفت بمعصمه، جت بباله الأيام اللي كنا سوا فيها و ماكنت أعرف مين هو .. أيام كان يلعب بأعصابي
فز من مكانه و فز قلبي معه لما انفتح الباب علينا فجأة
بدر : طيب طق الباب على الأقل يعني
محمد : كنت بختبركم، عهد فيك شيء وش يوجعك ؟!
مسحت دموعي بيديني وحاولت أسكت
عهد : محمد قل لهم يطلعوني ما أبي أطول هنا
محمد حول نظره لبدر و بدأ يعصب
محمد : أنت قايل لها شيء؟ مزعلها؟
بدر : وش في أمك علي أنت اليوم !
محمد : مدري عنك !
انفعل بدر من طريقة محمد معه، وماكان فيني حيل لمضاربات وأنا بهالمزاج المتعكر، رجعت أعيد كلامي على محمد
عهد : خلاص تكفون .. محمد طلعني أبي أرجع
محمد : ماني مطلعك إلا لما أشوفك بأحسن حالاتك
بدر : أنا طالع
محمد : فمان الله
سكر الباب وجاء محمد جلس على السرير عندي
محمد : قولي لي الصدق ضايقك بشيء؟
عهد : بدر ماله دخل، بس لعله اشتد التعـ..ب شوي
عدل جلسته و مد جواله عندي
محمد : اسمعي فويس أمي راسلته لي
سمعت كلامها .. تسأل علي وخايفه لأني ما رديت عليها
اوجعني قلبي فعلًا أنا محتاجتها بجنبي أكثر من أي شيء بالدنيا
عهد : وش رايك تصورني لها منها تعرف ب تعبي و-
سكت لأن الألم كل ماله يزيد، طبقت شفايفي ببعض بقوة وكملت كلامي
عهد : و منها تجيني
أنت تقرأ
عَهـَد
Romanceالشخصيات و العائلات ام نايف وريان (أمينة): نايف ٢٢ سنة ريم ٢٠ سنة ريان ٢٤ سنة أبو ريان(عبدالهادي) : لدن ٢٢سنة تالين ٨سنين هيام ٢١ نوف ١٧ ندى ٢٦ ام مجيد (بشاير) : مجيد ٢٧ سنة نجلاء ٢٥ سنة ابو اشواق(علي): زوجته تهاني أشواق ١٨ سنة ام محمد(علياء): محمد...
