مرت ربع ساعة على إرسالها للرسالة بدون رد منه
وأخيرًا... رن جوالها مُعلن قدوم رسالة من فيصل
- مشتاق لك حور
فزّ قلبها على رسالته، ماكانت متوقعة! توقعت إنه يعاتبها ويسألها ليه وكيف ووشلون.. بس صدمها
حور صارت تكلم نفسها وهي ترجف من الفرحة
حور : مشتاق لي؟ أنا اللي جالسة أقراه حقيقي؟
ماكانت مستوعبة، أبدًا ماتوقعت الثلاث سنين تقريبًا اللي انقطعت فيها عنه بيرجع لها كذا.. جلست في مكانها تحمد الله إن ردّه كان أقوى وأحلى من اللي كانت تتوقعه
حور : لازم ما أرد الحين ولا بقول أشياء غبيه
تركت جوالها وجلست متوترة
-
« بيت أم بدر »
كان بدر جالس مع دنا ويطقطق بجواله، طفشانين مافي شيء يسوونه، أما دنا فكانت تفكر وش في خالد لأن شكله لما شافته ماكان يبشّر بالخير.
- بدر شرايك أجيك
بدر استغرب من الرسالة.. لأن دايم خالد يروح عند نايف إذا فيه شيء، مو هو
- يلا تعال حياك
لفّ على دنا ورفسها
دنا : ووجع
ضحك عليها لأنها كانت سرحانة ولما سواها خافت
بدر : وش تفكرين فيه؟
دنا : مافكر بشيء
بدر : المهم روحي غرفتك
طالعته دنا باستخفاف
دنا : لايكون المكان مكتوب باسمك وانا مدري، ماني رايحه طفشت من الغرفة
بدر : ياخي خالد بيجيني الحين روحي لغرفتك
دنا : خالد! ليه بيجي
بدر : وانتِ شدخلك؟ روحي اخلصي
قامت دنا وطلعت من المجلس وراحت للمقلط تبي تعرف ليه بيجي وإيش صاير له و و و
ما مر وقت إلا وخالد عند بدر
بدر : صايرلك شي؟ مو من عوايدك تجي
خالد : يعني ارجع بيتنا؟
بدر ضربه باستهبال
أنت تقرأ
عَهـَد
Romanceالشخصيات و العائلات ام نايف وريان (أمينة): نايف ٢٢ سنة ريم ٢٠ سنة ريان ٢٤ سنة أبو ريان(عبدالهادي) : لدن ٢٢سنة تالين ٨سنين هيام ٢١ نوف ١٧ ندى ٢٦ ام مجيد (بشاير) : مجيد ٢٧ سنة نجلاء ٢٥ سنة ابو اشواق(علي): زوجته تهاني أشواق ١٨ سنة ام محمد(علياء): محمد...
