اعتذررر على تقصيري بس مع قرار تقديم الاختبارات انشغلت مره، استمتعوا 💞
غيث : وأنتِ على بالك مافهمت كلامك اللي قلتيه لي قبل كم يوم ؟ تتكلمين طول الوقت بسالفة العمر و أنك تبين زوجك يصير أكبر منك بثلاث سنين أو سنتين مو زي الفرق اللي بيننا على فكرة ترى أنا عارف مين قصدك وساكت ، أبدًا لا تحسبين يا حور أني بخليك مع هذا اللي اسمه فيصل ، تبين تعرفين ليه خطبتك؟ لاني أبي أخرب اللي بينكم وما أبيه يتم تمام كذا ارتحتي ؟
حور : ومين يقولك أني أقصد فيصل وش دخله وأنا وياه مابيننا شيء أصلًا ! الله يعينك على تفكيرك المتخلف
نزلت بعد كلامها له من السيارة ودخلت البيت وهي واصله معها من الغضب
ماتدري ليه كذبت عليه بس ماكانت تبيه ينتصر بـ كونه عارف عن حبها لفيصل، لأنها بكل الحالات بتتزوج غيث ولو اعترفت بكونها فعلًا تحبه ؛ ماراح يتركها بحالها و بيضايقها كثير ..
و للآن وهي بغرفتها تحاول تذاكر بس بالها منشغل وماهي قادرة
—
بعد جلستنا وحنا نسولف فجأة صرنا نتكلم عن الدراسة والجامعة، والشيء اللي ماتعرفون عنه ان هذي السنة أنا و نايف بنتخرج ان شاء الله
نايف : اسمعوا كلها سمستر واحد وبنهي مسيرتي الجامعية إذا ماشفت هدايا عند باب البيت ماني مسامحكم
عهد : حتى أنا بنهيها معك بس سمسترين مو واحد
مديت يدي لنايف و ضربت كفي بكفه، فجأة ولا أدري ليه طالعت ببدر ولقيته يشوفني بعيونه اللي باين عليها .. الغضب؟
على طول فتحت الجوال لما وترني بنظراته وكتبت
- خل عنك هالحركات تغار من نايف البزر؟
طرا على بالي السلطة اللي جبتها أنا ومحمد و فكرت أجيبها الحين ما دمنا جالسين كلنا، قمت وقلت لريم بروح لغرفتها ووافقت
أخذت السلطة اللي يموتون فيها عيال خالاتي و نزلت لتحت، توي كنت بطلع بس ..
—
« عند الباقين »
محمد : غريبة حور ما جت
ريم : تذاكر و ناشب لها أبوها مافي أمل
مجيد : أماا السالفة فيها أبو حور؟ لو أدري كان رحت أخذتها ليه ماعلمتوني
نجلاء : هدّ بالك لو أنك سألت كان علمتك، بعدين البنت بتتزوج خلاص لا تفكر انك للحين تقدر تضبط وضعها وتاخذها وتجيبها
أنت تقرأ
عَهـَد
Romanceالشخصيات و العائلات ام نايف وريان (أمينة): نايف ٢٢ سنة ريم ٢٠ سنة ريان ٢٤ سنة أبو ريان(عبدالهادي) : لدن ٢٢سنة تالين ٨سنين هيام ٢١ نوف ١٧ ندى ٢٦ ام مجيد (بشاير) : مجيد ٢٧ سنة نجلاء ٢٥ سنة ابو اشواق(علي): زوجته تهاني أشواق ١٨ سنة ام محمد(علياء): محمد...
