محمد : يمه فيه واحد يبي يخطب عهد
أمي : عهد؟ غريبه عاد توه سعود متوفي ماصارله مدة أخاف ماتوافق.. طيب علمني وش يصير مين هو؟
محمد : اسمه سلطان الـ...
أمي : زين بكلم أبوك ولو وافق انها تتزوج رحت كلمتها
محمد : ترى سلطان هذا ولد ناس ومحترم
أمي : إذا فيه خير فإن شاء الله يتم على خير
-
« بيت خالتي جوهرة»
رجعوا خالتي وحور من بيت أم فيصل وحور ماتفكر بأي شيء غير إنها أخيرًا قابلت فيصل وكلّمته بعد قطعه طويله
حور : ماما لا تعلمين أبوي عن جيّتي معك تكفين
أم حور : إيه طبعًا ماراح أعلمه أصلًا ليه أعلمه
حور : لا بس خفت تنسين اللي صار قبل وتعلمينه
أم حور : مانسيت.. روحي لغرفتك ونامي يلا ماباقي شيء على الساعة ١
حور : انتِ اللي نامي أنا ما أنام بهالوقت
-
.. : عهد.. عهد
قمت من النوم منزعجة؛ مين هذا اللي يصحيني من نص نومتي؟
عهد : خير خلوني أنام
.. : قومي سعود كلمني بروح
فزيت من مكاني وجلست أطالع في دنا اللي نفس الشيء توها صاحية
عهد : سعود؟ كيف ومتى وشلون كلمك؟
طالعتني دنا وهي مستغربة بوجهها المفقع
دنا : وش جاب طاري سعود الحين؟
آها.. الحين فهمت إن حلمي أثر على مخي
عهد : وش كنتي تقولين
دنا : بدر دق علي ياخي بروح
عهد : طيب روحي مين ماسكك
عصبت ورجعت رقدت أما هي كملت تتكلم
دنا : اللي ماسكني اني أبي الشاحن المتنقل حقي وين حطيتيه
تأففت من ازعاجها وغطيت راسي بالوسادة بعد ماقلت
" كان خالد يبي شاحن وعطيته "
أنت تقرأ
عَهـَد
Romanceالشخصيات و العائلات ام نايف وريان (أمينة): نايف ٢٢ سنة ريم ٢٠ سنة ريان ٢٤ سنة أبو ريان(عبدالهادي) : لدن ٢٢سنة تالين ٨سنين هيام ٢١ نوف ١٧ ندى ٢٦ ام مجيد (بشاير) : مجيد ٢٧ سنة نجلاء ٢٥ سنة ابو اشواق(علي): زوجته تهاني أشواق ١٨ سنة ام محمد(علياء): محمد...
