" بدر : ليه خايفة أسوي شيء مثلًا ؟
عهد : غير الموضوع خلاص
بدر : يعني بتمنعني هذي ؟
عهد : وش تقصد
بدر : قصدي أقدر أسوي كذا ولا راح أهتم باللي تقوله
قبل ما أفكر حتى بـ أيش راح يسوي وقف و التفت كله علي، سحبني له فجأة و
حضنني .. "
شهقت بقوة و حرفيًا حسيت بصدمة من الحركة ! قلت بدر متهور بس ماتوقعت لهذي الدرجة .. مشاعري صارت تتصادم ما أدري أفرح ولا أغضب، معقولة اللي جالس يصير حقيقة ومو حلم ؟
كنت ثابته لأني مو مستوعبة و لا أدري لمتى كان ناوي يبقى بهالوضعية بس ريم جت وسحبتني منه بالقوة وضربته بخفيف
ريم : قليل أدب هذا وأنا معكم أجل لو ماكنت موجودة وش بتسوي؟؟
أنا للآن ما طلعت مني ردة فعل لأني لازلت تحت الصدمة، ضحك بدر من قلب وهو يشوف وجهي المصدوم وكلام ريم المضحك، مسكتني ريم و دخلنا داخل وهو دخل بس من الباب الثاني ..
ريم : غبية أنتِ ليه ما بعدتيه !
عهد : ريم ما توقعت
ريم : ترى بكل مرة قاعد يتمادى، ازعلي عليه لا تكلمينه خليه يتعلم من غلطه
عهد : تحسين؟
ريم : أيه، لا أشوفك تكلمينه
عهد : يمه ريم المسي قلبي شوفي شلون صار
ريم : بدون ما ألمسه كل شيء باين على وجهك، وقح
عهد : صدمني
ريم : انسي خلاص و تعالي بروح أنام طفشتوني وأنا أمشي معكم
عهد : ريم قاعد يرسلي وش أسوي
ريم : لا تردين ياويلك، روحي نامي خلاص الوقت مره تأخر
عهد : مافيني نووم
ريم : حاولي عشان يمدي نطلع النهار ! المهم لا تعطين بدر وجه
رحت للبنات وغمضت عيني أحاول أنام، و من جهة ثانية دنا قامت على رسالة وصلتها
- ليه تهربين مني ؟
- قلت لك أبي وقت لا تضغط علي
سكرت الجوال وحطته على الصامت
دنا بصوت خافت : ريحني شوي واطلع من راسي يا خالد
أنت تقرأ
عَهـَد
Romanceالشخصيات و العائلات ام نايف وريان (أمينة): نايف ٢٢ سنة ريم ٢٠ سنة ريان ٢٤ سنة أبو ريان(عبدالهادي) : لدن ٢٢سنة تالين ٨سنين هيام ٢١ نوف ١٧ ندى ٢٦ ام مجيد (بشاير) : مجيد ٢٧ سنة نجلاء ٢٥ سنة ابو اشواق(علي): زوجته تهاني أشواق ١٨ سنة ام محمد(علياء): محمد...
