خالد : تمام إذا هذا اللي ودك سوي اللي تبينه، أنا وريان ها؟ هه أثاريني طلعت ما أسوى شيء عندك
مشى خالد عن دنا وهو مطنقر على الآخر، متنرفز رغم ان مقصد دنا ماكان مثل اللي في باله، وتركها وهي واقفه ومصدومه من كلامه، حتى القهوة اللي بيدها ماعاد تبيها.. وصلت معها
طلعت من شقتنا وراحت عند شقة خالتي أم حور، جلست ترن الجرس إلين فتحوا الباب، دخلت وسألتهم عن حور وقالو لها إنها بالغرفة.. راحت لها وجلست
حور : الله أبي قهوة
دنا : كنت بعطيك إياها بس عشان قلتي أبي مافيه
حور : يا كريهه صدق، المهم وش عندك جايه؟
دنا : كذا بس أبي أقعد معك
كانت دنا تحاول ماتبين أي شيء بملامحها، صارت تشرب القهوة لعل وعسى تعدل مزاجها بس مافاد، حاولت تسمع لسواليف حور وتتحمّس معها بس بالها كان مشغول مره
دنا : حور بسألك، الحين لو يجيني واحد يحبني وش أسوي
حور : كيف لو يجيني واحد يحبني؟ مافهمت
قلّبت دنا عينها لما تذكرت إن حور تحتاج شرح وماتعرف تلقط وتمسك الموضوع بسرعة
دنا : يعني مثلًا جاء لي واحد وقال لي انه يحبني، وش أقول؟
حور : إذا تحبينه وش بيمنعك، وإذا لا اتركيه خلاص
دنا : مو على كذا، أنا قصدي من بعد ريان.. يعني أخاف من أي واحد يفكر يعترف لي إنه يكون مثله
طالعتها حور بشك
حور : صاير شيء من وراي؟
دنا : شفيك حور لا أنا قاعده أعطي افتراضات عشان المستقبل
حور : أنا أقول لا تعطينه وجه
ماكانت هذي الإجابة اللي كانت تبي دنا تسمعها
دنا : حتى لو ضرت علاقتنا أو شيء؟
حور : دنا شسالفه؟
دنا : خلاص بروح أنا وبعد نص ساعة كذا تعالي عندنا انتِ وريم طيب؟
حور : زين يلا مع السلامه
-
أما عندي كنت جالسة أشرب قهوتي وأسولف مع شخص تويتر، ما أدري ليه أحسه يفهمني حتى لو مابيّنت له، أحسه هدية جتني من ربي.. شيء و شعور غريب ما أدري كيف أوصف لكم إياه
أنت تقرأ
عَهـَد
Romanceالشخصيات و العائلات ام نايف وريان (أمينة): نايف ٢٢ سنة ريم ٢٠ سنة ريان ٢٤ سنة أبو ريان(عبدالهادي) : لدن ٢٢سنة تالين ٨سنين هيام ٢١ نوف ١٧ ندى ٢٦ ام مجيد (بشاير) : مجيد ٢٧ سنة نجلاء ٢٥ سنة ابو اشواق(علي): زوجته تهاني أشواق ١٨ سنة ام محمد(علياء): محمد...
