حور : غيث تعبت من أبوي
ما قدر يمشي ويخليها وهي تطالعه كذا بعينها الحمراء اللي انتفخت من البكي
حور : ومادام سمح له هالمرة فـ بيسمح له ألف مرة وأنا ما أضمن نفسي في بيتنا وهذا الأب موجود
غيث بحزم : دامك معاي والله مايلمس منك شعره ولا أحد بيقدر يقربك
طلع و راح متوجه لمكتب أبو حور، طق الباب وجلس
غيث : ياعمي زعلت منك حركتك ما تنقبل ولا هي عاجبتني
أبو حور : عسى ماشر ؟
غيث : مفروض تحط لي الحشيمة أنا زوج بنتك، تخلي اللي مايتسمى فيصل يجي يزورها هنا بالشركة؟! ما تصلح هذي هل هذا يعني أنه مالي احترام ياعم ؟
أبو حور : والله ماكنت راضي بس كان يقول بيسلم عليها و يوصل حكي أمه لها ويروح
غيث : الله يهديك ياعمي وأنت تصدق أي شيء يقوله، هذا أكبر كذاب و أنا بصراحة حزت في خاطري من اللي صار، ولا كأن أحد محشمني
أبو حور : امسحها في وجهي هالمرة ولا يضيق خاطرك، ماهي بمتكررة
تنهد غيث و قام من مكانه وهو يقول له : مسامح ياعم
رجع لحور وقال لها أنه تكلم معه، سكتت حور بتفكير لثواني ثم قالت وهي تاخذ منديل من الطاولة
حور : طيب عادي اليوم أروح بيتنا؟
غيث : أكيد عادي بس خليك مع أمك طول الوقت ولا تسمحين لأحد يضايقك بأي شيء، وإذا على فيصل فـ خلاص أنا متفاهم مع عمي أنها ماتتكرر ولا يتعرض لك ثانية
حور بملل لأنه مافهمها : لااا
غيث : وشو؟
حور : بروح بيتنا .. أنا وأنت
ما يدري ليه غضبه كله تبدد من جملتها .. أخيرًا ؟
غيث حاول ما يبين مشاعره وجاوبها بوجه بارد
غيث: أوك، أنا شوي وأمشي خليك جاهزة
هزت حور راسها بمعنى تمام، سألها إذا تبغى تروح بيت أهلها عشان تاخذ ملابسها لكنها ردت عليه بالرفض و حس أنها ما راح تطول عنده..
راح غيث لمكتبه و قرر يتصل على أمه
غيث : يمه، اليوم حور بتجي معاي البيت وبقول لها إنك عازمتها المغرب .. لا تفشلوني قدامها عشاني جاملي المرة هذي
أنت تقرأ
عَهـَد
Storie d'amoreالشخصيات و العائلات ام نايف وريان (أمينة): نايف ٢٢ سنة ريم ٢٠ سنة ريان ٢٤ سنة أبو ريان(عبدالهادي) : لدن ٢٢سنة تالين ٨سنين هيام ٢١ نوف ١٧ ندى ٢٦ ام مجيد (بشاير) : مجيد ٢٧ سنة نجلاء ٢٥ سنة ابو اشواق(علي): زوجته تهاني أشواق ١٨ سنة ام محمد(علياء): محمد...
