عَهـَد

24

" غيث : أنا عارف وش بتقول ياعمي بس أنا أبي مصلحة حور وما أبي تنخدع بفيصل هذا لأني حافظه زين والولد زين يصرف على نفسه عشان يصرف عليها، وأنا أضمن لك حياة حور معي باذن الله ما بينقصها شيء "

تكلم غيث بثقة وبأسلوب أعجب أبو حور ، بكل صراحة أبو حور كان معجب بشخصية غيث بس أبدًا ما توقع أنه يجي ويطلب يد بنته، ابتسم بعد ما انتهى غيث من كلامه ثم قال

أبو حور : لنا الشرف يابو غيث ويا غيث والله ، و أنا لو أدري أنك تبيها كان ما عطيت وجه لهذا الفيصل

وبعد دقيقتين من الكلام قام هو وأبوه و طلعوا ..

أبو غيث : مب كنت تكره طاري الزواج ؟ كيف الحين تبي تتزوج

غيث : الأفكار والقناعات تتغير

—

« المقهى »

حور و ريم ونجلاء لقوا لهم فساتين وبقى أنا و دنا اللي أبدًا مالقينا شيء على ذوقنا

عهد : لو ما أطلب هاليومين بيضيع مستقبلي أبي شيء حلو

قفلت جوالي لما يأست وقررنا نسولف أخيرًا

نجلاء : حور قولي للبنات عن غيوثه

غمزت نجلاء لحور اللي ضربتها

دنا : أيش مين ؟

حور : ولد صاحب أبوي اسمه غيث، بنات تخيلوا دايم لما أروح لدوام أبوي يكون موجود ويساعدني

دنا : يعني السالفة فيها ...

قاطعتها حور وهي معصبة

حور : لا لا مافي سالفة بس هو بثر دايم تصيرلي مواقف معه تفشل، وتخيلوا أن من اسبوع حرقتني وحده بقهوتها بسبب غيرتها عشان غيث دايم يساعدني

قعدت حور تضحك لما تذكرت البنت وتخلف عقلها، وكلنا انصدمنا لأن كيف سالفة مثل هذي ماندري عنها ! بدأت التساؤلات والاستفهامات وصارت تقول لنا المواقف اللي قد صارت بينهم

ريم : أتوقع لو أنا مكانك بحبه على طول ، كيف كل هذا وتقولين ماتحسين بمشاعر !

حور سكتت شوي وهي تطالع بـ يدها ثم قالت

حور : مدري كيف أقولكم أني للحين ماتخطيت فيصل، المهم ماعلينا من فيصل وغيث أنتو سولفوا وش صار معكم هالأيام