أشواق : نتفق أنا وأنت سوا ونفرقهم عن بعض
ريان تكتف وكانت الفكرة عاجبته مره، يحس إنه أخيرًا لقى أحد يوقف معاه
ريان : موافق
-
« بعد شهر »
والحمدلله مر شهر وماكان فيه شيء مهم غير إن حور سمعت كلامنا وماصارت تقابل ولا تكلم فيصل، وأنا وعبدالله للحين نسولف ما اختلف شيء.. أعذروني لكني ماتعودت عليه كـ بدر
أما خالد ودنا كانت نص سفرتهم طلعات وسوالف، بداية السفرة كانوا مثل القشطة، بس مع الأيام صاروا عادي كأنهم أصحاب و ما خلت السفرة من المضاربات طبعًا.
مر الشهر على خير وكل شيء كان ماشي تمام إلا سوالف ريان وأشواق اللي جالسين يدرسونها صح
« بيت جدي »
كانت أول جَمعه لنا بعد رجعة دنا وخالد من شهر العسل، جالسين كلنا بالصالة، خالاتي وخالي والبنات والشباب كلهم، كانت فقرة سوالف ماتوقف، سواليف السفر وسواليف خالاتي أكثر الأشياء اللي أحمد ربي عليها لأنها فعلًا تفرحني
دنا : والله فاتكم كنا رايحين للألعاب المائية وفيه لعبة بغيت أطيح وأموت منها بس ما أدري كيف عشت
قرب مجيد من أذن نايف وهو ماسك ضحكته وقال
مجيد : أطفال قسم بالله كيف زوجوهم، رايحين شهر عسل ويلعبون العاب مائية؟ هذي أودي عيالي لها لما أتزوج
نايف حاول يمسك ضحكته ووجهه صار أحمر
مجيد : بالله شف ذا وجه واحد متزوج
كان مجيد طول الوقت يتطنز على خالد باستهبال طبعًا، ونايف يغطي وجهه بيده ويضحك على الصامت و ويهتز في مكانه من شدة الضحك
محمد : مجيد خلاص زودتها بيموت ذا من الضحك
مجيد : قاعد أقول الصدق، شف ذا المبزره تزوجوا وأنا وياك للحين
محمد : وش يدريك يمكن أتزوج قريب
نايف : والله إني قايل انك تحب
محمد ضربه مع راسه وهو منقهر
محمد : ماله دخل ترى عادي أقول لأمي تخطب لي ياغبي
نايف : نشوف وأذكرك
محمد : يقلع البلشه
أنت تقرأ
عَهـَد
Romanceالشخصيات و العائلات ام نايف وريان (أمينة): نايف ٢٢ سنة ريم ٢٠ سنة ريان ٢٤ سنة أبو ريان(عبدالهادي) : لدن ٢٢سنة تالين ٨سنين هيام ٢١ نوف ١٧ ندى ٢٦ ام مجيد (بشاير) : مجيد ٢٧ سنة نجلاء ٢٥ سنة ابو اشواق(علي): زوجته تهاني أشواق ١٨ سنة ام محمد(علياء): محمد...
