نايف : كلميها ترجع لي طالبك ياريم
انصدمت ريم من اللي سمعته؛ ماتوقعت أبدًا يكون أخوها يحب أو يكلم حتى، من شكله وهو متضايق وطريقته وهو يطلبها ما قدرت ترفضه أبدًا
ريم : وش اسمها؟
نايف : ريتال
ريم : طيب هات رقمها
ابتسم نايف لأنها وافقت تكلمها، فتح جواله ونقلها الرقم وهو متحمس ومتوتر وخايف وكلّ شيء
- ألو سلام عليكم ، ريتال؟
-
مر اسبوع وفجأة قرروا عماتي يطلعون استراحة.. وبيني وبينكم ما ودي أقابلهم وأشوف نظرة الشفقة بعيونهم ولا لي خلق لأسئلتهم خصوصًا بعد وفاة سعود الله يرحمه
حاولت أتناقش كثير مع أبوي بإني ما أروح لكنه رفض وبقوة لأني قاطعتهم فترة طويلة و لازم صلة الرحم و و و
بالنهاية وافقت مجبورة واللي كان مهوّن علي إن محمد أخوي بيجي ويجلس مع عيال عماني ، وهو ما يطوّل بالجلسة ؛ ف قررت أطلع معه على طول
-
« يوم العزيمة »
مناسبة الطلعة هذي كانت عاديّة ، مجرد جَمعة مثل أي يوم ، بس جدي لزّم على أبوي إننا نجي و إنهم مشتاقين لنا ومن هذا الكلام
دخلت دنا علي وأنا أحط الميكب، و وقفت جمب التسريحة
دنا : ها مستعدة ؟
ما لفّيت عليها ؛ كنت أحط المسكرا وما عندي وقت أطالعها
عهد : دنا مالي خلق مرره شرايك تجين معي؟
دنا : وش يوديني أنا شدخلني
عهد : وش بيت جد زوجك عادي، وبعدين أحس نسيتهم وخايفة أروح شوي
دنا : عهد مع نفسك مره ، ما ودي أروح مالي دخل فيهم
قفلت المسكرا وطالعتها باستنكار
عهد : ترى طبيعي انتِ زوجة ولد عمهم مافيها شيء !
ما ردت علي وطلعت وقبل ما تسكر الباب قالت
دنا : مع السلامة
عهد : روحي لخالد القلب روحي
سكرت الباب و أنا جلست أكمل الباقي
رن جوالي يعلن وصول رسالة، رفعته وفتحت المحادثة
أنت تقرأ
عَهـَد
Romanceالشخصيات و العائلات ام نايف وريان (أمينة): نايف ٢٢ سنة ريم ٢٠ سنة ريان ٢٤ سنة أبو ريان(عبدالهادي) : لدن ٢٢سنة تالين ٨سنين هيام ٢١ نوف ١٧ ندى ٢٦ ام مجيد (بشاير) : مجيد ٢٧ سنة نجلاء ٢٥ سنة ابو اشواق(علي): زوجته تهاني أشواق ١٨ سنة ام محمد(علياء): محمد...
