عَهـَد

6

خالد : دنا أنا خالد
لما مسكها لقاها ترجف بقوة.. بعدته بخوف بس عرفت إنه خالد تنهدت وغطت وجهها بيدينها اللي ترجف معها
دنا : ياليت تطلع صوت المرة الجاية
مشت بتطلع بس وقفها وهو يطالع فيها
خالد : دنا أنتِ حسبتي إني ريان؟
دنا : خالد وخر
مسكها خالد بقوة وشد عليها
خالد : ردي علي
طالعت دنا بعيونه اللي كانت كافيه بإنها تعبر عن غضبه
دنا : مالك دخل في اي شيء خاص فيني، لا تنسى نفسك تراك خالد نفسه اللي أكرهه وما أواطنه بالمره
راحت لفوق وهو بقى في مكانه، مقهور من كلامها ومن اسلوبها ومن كل شيء قالته

بعد ما استوعب خالد راح لغرفته ونام بعد ماكان يفكر في كلامها، ودنا جلست بجمبي بالسرير ونامت بسرعة عشان ماتفكر في أي شيء صاير لها، والأهل اللي بالاستراحه رجعوا بعد ماصارت الساعة 2 الليل

جاء العصر وصحت دنا قبلي، قامت ولبست عبايتها ولفت حجابها بطريقة مهملة لأنها خافت تقابل محمد أو أبوي في طريقها ( بما إنها ماتتحجب عن خالد )
ونزلت لتحت تدور أمي
دنا صارت تنادي على أمي : خالتي علياء وينك؟
جلست تمشي بتروح للمجلس تدور على أمي بس فاجأها محمد
محمد : هلا دنا
ارتعشت دنا فمكانها من وجوده المفاجئ فارتبكت وتنحنحت
دنا : هلا، محمد خالتي وينها؟
محمد : أمي نايمة شوي وتقوم، تبين شي؟
دنا : لا سلامتك بنتظرها شكرًا
محمد : عفوًا
رفع محمد جواله وراح للصالة وجلس فيها، ودنا خافت تقعد بالمجلس ويجي أبوي بدون ما تدري، ففكرت وراحت للصالة عند محمد
وقفت تطالع في محمد اللي شوي ويكسر جواله باصابعه من قوته في الكتابة على الكيبورد وما انتبه لها
دنا : اءء محمد عندك شاحن؟ معليش بس مالقيت حق عهد وشاحني مو معي
رفع محمد راسه وقفل جواله بسرعه عشان يركز معها
محمد : حقي مع خالد خذيه منه

دنا : يصير انت تقوله يعطيني؟
محمد : مب انتِ وخالد تمونون على بعض؟ روحي له انتِ
توهقت دنا لأنها ماتبي تشوف وجه خالد وتدري إنه حقير و بيذلها
دنا : خلاص أجل بنتظر عهد تقوم
لفّت عنه مقهوره وتوها كانت بتروح لفوق ناداها محمد
محمد : دنا وش دعوة الحين أقوله يجيبه لك
دنا : لا خلاص باخذه أنا
محمد : متأكده؟
هزّت دنا راسها وراحت لغرفتي بسرعة، وخوفتني بدخلتها القوية للغرفة
عهد : شوي شوي وش فيك كأن أحد لاحقك؟
دنا : مافي شيء، عهد الحمدلله ربي قومك أبي شاحن
رفعت جوالي لها اللي كان مشبوك بالشاحن نفسه
عهد : معليش بس أحتاجه، المهم دنا بسوي لي قهوة تبين؟
دنا تأففت وناظرتني
دنا : وانتِ ماغير تشربين في هالقهوة؟ أرحمي نفسك شوي
ماكان لي خلق لعوار الراس والحكي الفاضي اللي قالته، سفهتها وقمت للباب
عهد : عندك فرصة اشبكي جوالك بالشاحن إلين أجي
نبهتها ونزلت للمطبخ أبي قهوة، بس قبل ما أسوي اتصل علي محمد
- عهد بطلب قهوة تبغون ولا؟
- إييه بالله من وين؟
- من تيم هورتنز توه خويي مادحه لي
سكتت شوي وبديت أفكر بـ..
- ألو عهد؟
- لا مابي، بسأل دنا وأرد لك
- واسألي خالد بطريقك
- طيب مع السلامه