عَهـَد

17

دنا نايمة على كتف خالد، وبالمقابل خالد مسنّد راسه عالشباك يطالع بالطريق ويسمع أغاني بسماعته، أنا وباقي البنات جالسين نلعب ورق؛ كل مرة نغيّر اللعبة وعلى هالحال، و نايف و مجيد قرروا ياخذون لهم غفوة و وصّونا نصحيهم بعد وقت

محمد في سابع نومة، بدر كل شوي يقوم من مكانه ويمشي لكافتيريا القطار ، و أشواق على جوالها.

رعد يطالع فلم بالماك بوك حقه ولابس سماعته عشان يسمع كويس، بجمبه ريان اللي ماسك راسه من الصداع

انتبه رعد لريان اللي كانت حالته شبه سيئة، شال السماعة من اذنه و قال

رعد : ولد شفيك؟

ريان : لوعة السفر بس مافيني شيء

رعد : قم نبدل الأماكن أنا بصير جمب الشباك وانت هنا

ريان طالعه وهو باين على شكله تعبان

رعد : قم ياخوي عشان لو بغيت تطلع للحمام أو شي

قام رعد من مكانه وسكّر شاشة اللابتوب، شاله ووقف على جمب يستنى ريان يطلع

رعد : أخذت حبوب شي؟

ريان : إيه ماخذ حبوب الهيستامين* قبل لا نروح بنص ساعة أظن

رعد : بعذرك وجهك مصفوق

تبادلوا الأماكن وجلسوا، مامرت دقيقتين إلا ريان قام من مكانه وراح لدورة المياه

رعد : ذا وضعه ماش

خاف لا يكون في ريان شيء و راح لعند نايف

لاحظت وأنا بنص اللعب إن رعد جاي ويطالع بنايف اللي نايم و باين عليه متوهق

عهد : بنات شوفوا رعد شكله يبي شي

فزّت ريم من مكانها أول ما جبت طاريه، ولا إرادي كلنا ضحكنا عليها بس مخفضين أصواتنا عشان ما يلاحظنا رعد

نجلاء : ريم روحي شوفي وش يبي من أخوك

ريم : لا ياشيخه؟ يمكن يبي أخوك مابي أتفشل

حور : قومي ساعديه عالأقل سوي معروف

ما مدانا نحاول نقنع ريم.. إلا و رعد جاء

رعد : ريم ممكن شوي تجين

لفيت على ريم والابتسامة شاقة وجهي، ضربت يدها عشان تقوم له

ريم : لا طبعًا ما بجي، آمر وش بغيت من مكاني أقدر أرد عليك؟

حور : أح