عشوائيات

سذاجة العقل العربي

العرب اغلبهم ماعدهم اساس ثقافي او فكري قوي بحيث اي موجة تجي يركبوها(موجات المودة مو موجات قيقو) او يصير موديل شي جديد گبل يطبقونو بدون مايعرفون شنو سلبياتو او شنو ممكن يصير بعدها
امثال على هالحالات:
التدخين، لمن انتشر التدخين بالافلام والمسلسلات العالم كلهم كامو يدخنون شباب وبنات وكبار وصغار وهمه مو محتاجينها اصلا بس لان شافو صار موديل ف مشو ويا.

ثاني شي اللجوء لأديان غير دينهم او الالحاد حتى يكونون مختلفين او فد شي مميز هم انتشرو بهالفترة وواحد يقلد الثاني وصار موديل الكفران والالحاد وماايعرفون انو مجرد التفكير بهالشي هذا ذنبو جبير بس عدهم اهم شي يتميزون بشي عن الناس (تميز فيطي)

والموجة الاجدد هسه هنه المراهقات الي يحبون الكوريين(البعضضضض-بصوت حيدر العبادي-) ،  حيل مستغرب من عقليتهم وتفكيرهم وحبهم القوي لهالناس للعلم همه مايعرفون شي عنهم ولا يعرفون تقاليدهم واطباعهم بس يحبون صوتهم وشكلهم، قبل انتقدت الي يحبونهم حب مفرط والي يكولون يارب يتزوجني ويارب يمسكني ويارب اصير قميصو....الخ گلنا اذا ضلو هيج عادي ننتقدهم ونراويهم انو هالشي غلط ويتركون هالتفكير بس شو صارت اكبر، دخلت كروبات مالهم وشفت سوالفهم توكف شعر الراس كلو سوالف 18+ وهيه عمرها مايعبر ال14

واني جنت بكدهم عبالي الاطفال يجون بالدعاء،
هاي هم مشيناها گلنا اذا تبقى عالخيال وعالسوالف يوعون من يكبرون يتندمون..
بس شو هم كبرت وكامو يتزوجوهم من صدك :) وياريت من ذولة الحلوين😹
اقرو هاي الصور وراح اكمل جوى

مثل ماقريتو بالصور وهالشي صاير انجاز عند الكوريين (المنحرفين) ويفتخرون بي
وواحد منهم كاتب(لقد قمت باقناعها بان تجلب اهلها للسياحية في '''' وذهبت اليهم ليكن لقاء صدفة واقنعتهم بانني ثري جدا واخذت الفتاة في موعد غرامي قالت لاهلها باننا سنتعرف على بعض فقط وعندما وصلنا الفندق مارسنا الجنس معا واخذت منها الاموال وذهبت وهي تضن باني سأعود لخطبتها في الصبح هههههههه تبا لتخلفهم)
تخيل كوري يكول عالعرب متخلفين🙂!

وهينه ماتعرف اللوم يگع على منو،  عالاهل الي تاجرو ببنتهم لو بنتهم الي كل طموحها انو تتزوج واحد حلو وغني،

اغلب العرب هيج تفكيرهم مثل ذني البنات الي بالصور لان ماعدهم خلفية ثقافية ولا ادنى فكرة عن الاشياء الي كعد يسووها وشنو لازم يسوون + ماعليهم اي رقابة من الاهل و هالشي راح يودي المجتمع العربي للهاوية بالسنوات الجاية.