اكو شغلة صارت هالچم يوم بمواقع التواصل ضوجتني حيل ولو اني اعرف المشاهير الي بيها 80% منهم تافهين وفارغين ومحتواهم خايس مابي فائدة
لمن صار انفجار بيروت كل المشاهير تضامنو وياهم والدنيا انقلبت يمهم وهسه لمن فاضت السودان ومدن كاملة غرقت واهلها نص ماتو (الله يرحمهم) ونص تهجرو وماعدهم مكان ينامون بي او يستقرون بي حتى لو مؤقتاً والى حد الان 1% بس من المشاهير تضامن وياهم مع العلم السالفة صارلها 4 ايام ليش؟ لان السودان مابيها شقراوات ومُزز حتى يتلوگون الهن ! شافو شغلة ماتصرف الهم گالو خلي نغلس عليها ماراح نستفاد شي اذا حچينه مع العلم شعب السودان اكثر شعب مسكين اني صح مو مخالط احد من عدهم بس مبينين بالواقع وبالمواقع مايسوون مشاكل ومايستاهلون الي صار بيهم الله يعينهم🤲🏻.
ثانياً: ذولة المشاهير التافهين الي تتابعونهم(ماريد اذكر اسمائهم حتى لاتصير نقاشات) والي ماعدهم محتوى بي حض وبمقاطعهم بس يسولفون نكت ويضحكون وياريت سوالف تضحك هم كلها سخافات، المهم ذولة ببداية ثورة اكتوبر محد جاب طاري كلهم سادين حلوگهم وخايفين لمن شافونه كلنا طلعنه ونجحت الثورة توهم يلا گامو ينشرون ويروحون ياخذون صور ومقاطع هناك ويرجعون واني بعيني شفتهم(طشو براس الثورة) ولمن صار الكتل بينه والعلس شو كلهم بلعو لسانهم وانطمو وحتى تضامن ويا الشهداء(رحمهم الله) ماتضامنو ورجعو لسخافتهم ولمواضيعهم التعبانة وبعدها الناس تتابعهم رغم كل هالشي واني متاكد انو اغلب المتابعين مايدرون شصار لان جهلة(بصوت مقتدى السطل) بس يشوف ستوريات ويطلع مايدرون شكو، وكلهم صعدو وطشو بروسنه وبروس الشهداء وهمه كاعدين ومرتاحين.
ثالثاً: الي صايرين شعراء بروسنه وهمه لايعرفون بوزن ولا قافية ولا قواعد الشعر، يعني واحد جايب كلام غزل من الفيس وجاي محمر الشفايف حتى يصير حلو ومشغل موسيقى ويمسلت مثل هذا ابو ال (يلگصيرونه)ويعوج حلگو عود يسوي اغراءات
خاب اروح اشوف مقاطع تزاوج الذبان ولا اشوف چهرتك وشفتك الي تارسها حمرة وهذا الخ الي يگول(عزيزي الله اظن ان هنالك حورية هربت من الجنة) وتذفاك! هذا هم يتسمى شعر! لو يسمعكم المتنبي چان كره حتى اللغة العربية، المشكلة الچبيرة مو بيهم المشكلة بالي يتابعهم لان همه منطينهم دعم يكملون بتفاهتهم ومن تكللهم ليش تدعم ناس ماعدهم سالفة ترا هوا غزل عادي يكلك يمعود دشوف شگد حلو ! وهيج كثرو التافهين وقلو اصحاب الذوق والخبرة لان ماكو احد يدعمهم.
رابعاً: الفاشينيستات ماعدهم لاموهبة لا هواية يشاركن الناس بيها بس لانها حلوى كل يوم مشوفتنه وجهها الكريم ومكياجها، اي وحدة تحس نفسها ماعدها شي زين تسوي او مامنها منفعة تصير فاشينيستا وخبيرة مكياج وازياء وعلواه لو شي همه يكتشفونو بنفسهم ! واحد يخمط مواضيع من الخ شايف اكثر من حالة هيج يعني فارغين لأبعد الحدود، والصنف الثاني هوا انگس صنف الي كل فترة تنزع شي من ملابسها حتى تشتهر ويصير عدها اعلانات وكذا يعني الرخص فول➹وكل هذا علمود كم فلس وعلمود طشة .🤦🏻♂️
خلصنه
وبالنهاية انطيكم معلومة قصيرة بعيدة عن الموضوع بس حبيت افيدكم
هل تعلم بأن قاسم سلي 🍢ماني قائد فيلق تحرير القدس مات وهوا مو شايف القدس بس بالتلفزيون🌚😹
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
