اكو شي ملاحظو بالناس الي بالوات من بداية دخولي للوات والى حد الان ماتغير. الي هوَ سيطرتهم على علاقاتهم وعلى تصرفاتهم ، بالوات عاشرت كومة اصناف من الناس واغلبهم چانو مشاعرهم مو متوازنه ومايعرفون ينظرون للشي نظرة صحيحة ، مثلاً اذا حچيت بميانة مع بنت ماراح تفكر تفكير منطقي وراح تمصخها بالميانة كأنما دتحجي مع صديقتها الي بالمدرسة مو مع صديق عادي،
وثاني شي اذا اعتبر البنت الي مقابيلي اخت وصديقة مقربة وراح اعاملها معاملة مميزة هم راح تنظر للوضع هذا بنظرة غلط وانو اني انظرلها بنظرة حب مع العلم هيه تدري اني مرتبط وراح تبدي سوالف الدراما التركية مال الغيرة وتنقهر لان ماارد بسرعة وتاخذ دور الحبيبة واني ولا مفكر بالموضوع اصلاً .
ثالث نوع هوَ الولد الي يسوي نفسو الكينگ مال المكان مثلا شي او ضابط او يسوي شلة مال اطفال ويكعد يخبص العالم بيها .
رابع نوع هوَ الي 24 ساعة خابص العالم بمشاكل حياتو الخاصة (اذا جانت المشاكل صحيحة او تصنع) حتى يثير الجدل ويكسب ناس من خلال اللعب بعواطفهم .
ذولة الاربع انواع من بداية دخولي للوات اشوفهم ولحد هذا اليوم همه هيج معرف مستفادين شي ومستمرين لو هوا شي بالفطرة معرف، بس الي اعرفو انو لعبان نفس حيل لان كل هاي الانواع ماتسوي واهس للناس بالوات كلو ، يعني تخيل كاعد بأمان الله وفجأة يطلعلك واحد معجب بيك لان مرة من المرات انت گايلو كلمة حلوى او متغزل بي ! واغلب الناس الي هينه اعمارهم جوى ال18 يعني جوى سن البلوغ شلون افهمهم انو عمرهم بالشرع وبالقانون وبالتقاليد وبكل شي مو صالح لهالسوالف مال حب ؟! ادري عقل مراهقة ويتأثرون بالناس الي حواليهم وبالمسلسلات بس ترا كل بشر عندو عقل يفكر بي يعني ماتفكر تكول اني لمن اسوي هالشي راح اخالف الشرع والتقاليد والعادات ؟
ال3 انواع البقية شغلتهم تتعلق بعقدة النقص واحد ينسحل بالواقع ويجي يسوي عصابة بالنت ، والخ فارغ ويجي يتصنع المشاكل والاثارة حتى يسوي تفاعل ويجذب ناس،
وان شاء الله بالسنة الجديدة ينقرضون ذولة حتى نعيش بسعادة وأمان😹
مدري ناشرها قبل لو لا بس عجبتني -جامع الموصل الكبير-
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
امشو صارحوني بأسئلة او كلام عادي اي شي حتى بعدين انزل بارت مصارحات اكشخ بيكم گدام خلق الله بس موتكتبون
