عشوائيات

حمامة🕊🤍

خلسولفلكم سالوفة صغيرة مادام ماعندي موضوع احچي بي..

اول ماكبرت وگمت استكشف البيت مالنه وكذا يمكن چان عمري 8 مدري 7 المهم لاحضت انو اكو عش بمكان التهوية مال المطبخ سألت امي گلتلها شنو هذا الي فوگ گالت عش مال حمام--طبعا احنه نسميها ككخوتي معرف ليش يمكن لان هيا تصيح بهالاسم--
ف من ذاك اليوم اني اراقب هالعش وكل سنة بهيچ وقت يجي زوج حمام يعيش بهذا العش طبعا همه يجددونو كل فترة ويبيضون بي

من چان عمري 14 سنة سويت عش مرتب وتعبان بي
عود فاعل خير وكذا 😹
جيت حتى اخلي ولگيت البيض مالها بالعش ناعمات وشكد حلوات ردت اشيلهن بس امي ماخلتني لان گالت الحمامة اذا احد لمس البيضة مالتها تكسرها فـ تركت العش وضليت بس اشمر علي حنطة وعدس ومن هالسوالف الناعمة..

وسبحان الله من اول يوم فاتو بي الدواعش هنه هاجرن معرف وين طول ال3 سنوات مااجن وبعد ماتحررنه ورجعنه للبيت صار وكت جية الحمام(طبعا الي يعيشون بالعش 2 بس ومرات يصيرون 3 ومعرف وين يروحون الباقيين) گامن يجن يومية ورجعن العش مثل قبل

شگد غريبة قصتهن!

يعني كل ماافكر اكول اكثر من 18 سنة هاي عائلة الحمام عايشة بنفس المكان شلون!

شايفين هيچ شي قبل انتو؟

اقلبو الشاشة لان مابيا حيل اقلب الصور🌚💔

صار شگد اريد اصورهن بس الافنديات مايجن بس الفجر والظهر
والبارحة الفجر لگفتهن يسون شغلات مال ادبسزية وسون نفسهن كعد يعدلن العش عبالهن ماشفتهن🌚💔

شكلهم بعد ماخربت عليهم اللحظة الجميلة

                           م/2

هاي بوقت الاستراحة نگعد نسولف وهاي ف واحد من الي گاعدين گام يسولف ويچذب بموضوع وشاف الي كاعدين مايعرفون شي بس كاعدين ويسمعون وچان ابو الفهود ينزل بي طول وعرض شرشحتو تشرشح😹

وهينه گاعد اشعر بالانتصار بعد ماخلصنه وشفتو تنرفز وگام😹😹
صديقي صورني چنت مندمج حيل🌚💔

كمية الثقة :) ➹♡

كمية الثقة :) ➹♡

‏كُلما راودني القلق يوماً، تذكّرت أنني كنت بوجهٍ واحد، أنني عبرت الطريق دون أن أنحني أو أتوقّف، وأنني كتبت لكل الذين أُحبّهم ..♡

هذا المقطع نسيت انزلو ذاك اليوم..
نهر دجلة♡

و سوري ماگعد انزل قصص كومة بس مشغول حيل وماكعد افتضي حتى اكتب🤦🏻‍♂️

باي♡