السلامُ عليكُم طِبتُم حيثُ كُنتم وطابتْ لكُم بين الضُلُوعِ المساكِنُ🤍
حبيت احچي عن موقع اعرابي بالواتباد وبقية السوشل ميديا،
اني ميولي للواقع اكثر من السوشل ميديا يعني شلون؟ يعني الاشياء الي بالنت كلها مخليها بس للذكرى واذا بيها فائدة فتكون فائدة للبعض واذا چان سوء ف الله غفور رحيم😂يعني مو منطيها اهمية وفدشي ، كومة اكتب وانشر واصمم وهاي بس هاي كلها شغلات عادية يعمي مجرد تضييع وقت، اما الناس الي بي ناس زينين ومو زينين وثنينهم بالنسبة ليا نفس الشي لان كلشي عابر ف ماتسوى احب احد اكثر من اللازم ولا اكره او احقد على احد اكثر من اللازم بالتالي هو مكان اقضي بي وكت فراغي وناس اضيع وياهم وقت لااكثر، يمكن الناس الي من صدك احبهم واتمنى انو يكونون بالواقع لان شايف شكلهم وسامع صوتهم يطلع بيهم 3 لو 2 لااكثر(ملاحظة سريعة: الناس الي مو شايفهم ولا سامع صوتهم اتخيلهم روبونات وارقام بس 🌚😂) ،
dtz_18 جانت تشككني بنفسي تكول بس المرضة هيج يتخيلون🗿💔
ف الخلاصة من الكلام هذا ياخويني انو شگد ماتقربت او تعاركت او صارت مشاكل او سولفتلك كلشي عني بالتالي هو كلو هيج وقت كلاوات ومايأثر بيا اي شي يصير هينه اذا جان شي مفرح او محزن،
من زمان حيل كومة ناس چانو يسوون مؤامرات وسوالف اكشن وناس تسوي سوالف رومانسية وحبچيات وكذا بس معرف شلون اشرحلهم انو همه واحنه مجرد ارقام وتضييع وقت(هاي وجهة نظري) لااكثر،
دائماً استغرب من الناس الي تحب وتسوي عداوات كومة ومندمجين حيل
بس سؤال
بربك شلون تندمج بناس او مكان يروح كلو برمشة عين لمن امك تضوج وتطفي الراوتر؟😂
والناس الي يسوون مغامرات كومة ويورطون نفسهم باشياء زينة ومو زينة ويتأثرون بيها حيل يعني استغرب شهالخلگ الي عدهم،
(طبعا ابو كيان وام كيان الي واحد كاعد بالجنوب والخ بالشمال وواحد يوعد الخ ذولة خارج قوس خطية تعرفون عدهم جفاف وكذا)🗿
ف ياخويني اذا شفت مني شي زين استفاد واذا شفت شي ممتع تونس واذا شفت بي شماتة(للذيول مثلا)تشمت واذا شفت شي مسيء احظرني واذا شفت شي +18 سوي تجاهل وماحاجة نتدخل بمساحات بعض وهاي،
وبالتالي كلنا ارقام نختفي بضغطة زر🤖
ومعسلامة
