👋
اکبر انجاز بهذا وكتنا تبقى انسان محترم ، خير ومتربي وحاط الله بعينك ، تكدر تميز الصح من الخطأ
مسيطر على نفسك وسلوكك ومحافظ على كرامتك وسمعتك ، متحكم بأفعالك مو الناس متحكمين بيك ، دائماً عندك مسطرة اخلاقية ماشي عليها مهما تصعب بيك الظروف او شيطانك يبررلك حجج وأعذار ، وطول الوكت تجاهد تبقى شخص مستقیم رغم ماعايش بزمن بي الأحترام شذوذ وقلة الحياء مفخرة،
ومن اكبر الانجازات الك انو تكون صاحب شخصية حقيقية مابيها تصنع مكونة من مبادئك الخاصة وقيمك الي ماشي عليهن من زمان والي تربيت عليهن،
ماراح تحقق اي تقدم بحياتك اذا شخصيتك چانت مستنسخة من غير شخصية لان انت ذاك نفسك راح يجي يوم وتتندم لا خلفيتك كلها منقولة من الناس مو انت الي سويتها وماحققت بيها اي شي، الشي الوحيد الي فادك انو كسبت رضا عالم بشي انت مو تعبان بي ومو مشتغل علي بس هالشي هم راح يأذيك لمن ينكشف تصنعك.
المُتعى بعدم التصنع وين؟
المُتعى بعدم التصنع او بالاحرى المتعى بشخصيتك الحقيقية هي لمن تنجز شي مسوي بتعبك وينجح وحتى التعب ذات نفسو ممتع لان نفسك راح تحس انو كعد تتطور او هيج دافع نفسي يصير عندك + متعة تعبك وانجازك ماراح تختفي اذا الشي الي سويتو ماحصل اعجاب كومة ناس لان بمجرد انو كملت هالشي على أتم وجه هاي وحدها متعى، مااگلك دعم الجمهور مو مهم، لا مهم لان ينطيك دافع معنوي بس بنفس الوقت هم لازم ماتتأثر بيهم چثير(يعني لاتعتمد على تشجيعهم بحياتك خلي تشجيعهم يكون شي ثانوي) ،
إذا بنيت حاضرك بشي مو الك واستنسختو من العالم ماراح يصير عندك لا ماضي بالمستقبل ولا يصير عندك مستقبل اصلاً لان ماعندك اساسات ومو مقوي نفسك معتمد عالناس الي حواليك،
مختصر الكلام: ابني لشخصيتك أُسس بأيدك ولاتستنسخ افعال الناس.
تتفقون بأنو العفوية تغلب التصنع ؟
👋
