هلو
اكو سالفة صارت البارحة والصراحة ماگدرت الا احچيها ببارت،
بنت چانت ناشرة كاتبة : چنت راجعة من المعهد واجا ولد من يمي وطخ ايدي يريد يرقمني واني گمت امشي سريع وابچي.
ف اني علقت گلتلها : ايدچ شكبرها لو بدالچ ارگعو بوكس ازورگ عينو و اخلي هالموقف يكون عبرة الو ولغيرو قابل هو اقوة منچ! صيري انتي اقوة من المتحرشين.
طلعت برا ورجعت بعد ساعة فتحت الفون وواصلتني كومة اشعارات فتت لگيت بالتعليق مالي صايرة معركة
طلعت البنت ضايجة من التعليق وصديقاتها هم وهجمو يگولون شلون تگول هيچ قابل هي ولد ترا هي انثى حتى تكول اضربي وانتي اقوة منو وتتنمر على ايدها 🙂
واني مع نفسي گلت وتذفاك شهالتفكير يعني هو التعليق چان تشجيع وكذا شجاب الانوثة والتنمر!
ف كتبتلهن كليشة وهم رجعن يتعاركن والسوء انو البنت نفسها سوت تاك لبنات حتى يحچن عليا وتذفاك
عاد من شفت وحدة مخلية صورة ريبر والخ مخلية صورة واحد حلو نسيت اسمو، ايست منهن و مسحت التعليق
ف اتضحلي انو كومة ناس عبالهم انو البنت من تصير قوية تفقد انوثتها وانو القوة والدفاع عن النفس بس للولد شهالتفكير رحمة لدينكم يعني اذا بنت تحرش بيها واحد ماراح تضربو تخاف لا صديقاتها يگولن هاي مسترجلة مابيها انوثة
ليش ياهو اسوء انو تتعرضين للتحرش لو صديقاتج السخيفات يكلولج مابيج انوثة لان دافعتي عن نفسچ!
هو في ايه طبعاً اني يوم بعد يوم گعد انصدم بتخلف المجتمع ف اتمنى انو حياتي تطلع كلها حلم واطلع بالحقيقة بومة وساكن بغابات الامزون𓅓
عدكم موضوع شي منا منا انزل عنو بارت؟
چاو
