مواقع التواصل بيها سلبيات و إيجابيات وهذا شي متفقين علية،
لكن اكو وحدة من السلبيات قليل الناس منتبهين الها مع العلم هية جدا مؤثرة على المجتمع،السلبية هي رفع سقف مستوى الجمال الى حد بعيد جداً.
زين هاي شلون اني اكلك شلون يعني مثلا البنية لازم تكون ضعيفة و جسمها رياضي و بشرتها صافية و هواي مواصفات ثانية بعيده جدا عن الواقع،
كذلك الولد تلكا همه الشاغل المضهر حتة يتقيم على اساس شروط وضعها مجتمع مواقع التواصل من عضلات و فك بارز ولحية و بشرة صافية وغيرها من الامور البعيدة كل البعد عن الواقع،
صار المجتمع يقيم الناس العاديين على اساس الموديل والفاشنستا و غيرهم الي سو عشرات العمليات و الصورة بيها عشرات المؤثرات بغض النظر عن المكياج وغيرها من الامور حتة تطلع بهذا الشكل الي موجود وينشر على مواقع التواصل،
المهم اخوان المظهر والجمال موضوع ثانوي وسطحي جدا وغير مهم على الاطلاق الا لفئة قليلة سطحية،
انت صير واقعي واقتنع بشكلك لان ماكو شي اسمة قبيح و الكل جميل بصورة مختلفة ولابد يجي يوم شخص يحبك مو بس علمود شكلك لان اذا واحد يحبك علمود شكلك هذا مجرد شخص تافة لان بمرور الزمن كلشي يتغير يعني يتركك اذا صرت جبير بالسن وطلعت تجاعيد وين المنطق!
