هلو
هالموضوع حيل مهم
بحث وكتابة المبدعة Ms-hiba
الايگو the ego
هاي الكلمه ترجمتها بالانكليزي غرور لكن خلي نتعمق بالجانب النفسي اكثر
فد يوم سويت كولشي ساعدت الناس و طلعت و ضحكت و لعبت بس من اجيت تريد تنام حسيت بخنگه مو طبيعيه؟ شي بداخلك ضايج بدون سبب؟
هاي هي طريقة النفس حتى تعبرلك عن عدم رضاتها طبعاً هاي الحاله الها هواي اسباب لكن خلي احجي بأهمها
النفس الانسانيه للفرد تنقسم قسمين بشكل عام الي هنه (الفطره او الغريزه) الي هي تكون طبيعتنا الفطريه الانسانيه و بعض الطباع الوراثيه و غيرها
و( الاخلاق الساميه ) و الي هي الاخلاق و الطباع و العادات الي نكتسبها
طيب الايگو شنو؟ الايگو نگدر نشبهه بصوت بداخلك يكولك سوي كذا و سوي كذا علمود تحصل رضا الناس و مدحهم لتسوي كذا و كذا علمود محد يستنقص منك
و الي بأخصار التصنع و الايگو هو الصوت الي يرفض اي انتقاد او ملاحظه حتى لو كانت بمحلها و يحب المدح و الثناء حتى لو على اشياء مصطنعة مو بحقيقتك
التصنع اله اضرار كومه اكثر من ما تتصورون و اني راح احجي بالاضرار النفسيه
الايگو يسبب انفصال عن الذات عن ذاتك الحقيقيه و فطرتك و هذا السبب للضياع و التشتت الي نحس بي احياناً نحس انو احنا ضايعين منعرف ذواتنا نحس بعدم رضا بس منعرف ليش . و طبعاً اني اول مبديت اقرا و ابحث عن هاي الحاله الكل جان يكول هي انو تتصرف اشياء مو بطبيعتك الفطريه و هنا اني جنت حايرة هواي من الامور اني غيرتها بطبيعتي لأنها غلط هواي تغيرت طبيعتي لكن بعدين اتضح انو هالتغير اذااا كان رغبة ذاتيه بي و برضا نفسي عنه ميكون ايگو الايگو انو تتصنع شي رغبة من انو تنال اعجاب الاخرين و مثل مكولت الايگو هو صوت داخلي يفصلنا عن ذاتنا و يسببلنا ضياع و تشتت و عدم رضا
شون يتصرف الشخص المصاب بالايگو؟
الشخص المصاب بالايگو يكون نوعين
النوع الاكثر شهره و يكون يتصرف بغرور و يتصنع دائماً ، و النوع الثاني الفقير الي هو يكون انسان جيد مو مغرور يساعد الناس لكن هواي يتصنع و يسوي اشياء علمود ينال رضا الناس و اعجابهم
علاج الايگو يكون بالخطوه الاولى الصدق يعني تكون صادق مع نفسك متتصنع حتى مع نفسك انو تكون صريح و تعترف اول شي بوجود الايگو بيك
اما ثانياً متگدر تعالج الايگو اذا ما كنت تحب نفسك و تتقبلها هاي اهم شي
ثالثاً لا تبالي بألي يكولوا الناس ابد اي شي تتصرفه لازم يكون نابع من ذاتك شون اعرفه نابع من ذاتي؟ بالنسبه لهاي فـ بسيطه لأن اكو شي بداخلك حيحس بعدم الرضا و الارتياح لااابد من وجود صوت لذاتك الحقيقه تكولك فـ البس نفس متحب اكل و اشرب و العب و سوي كولشي تريده بطريقتك الخاصه تكلم و تصرف بأسلوبك الي ترتاحله.
