أول طريق : كون زين مع نفسك..
تعرف هذا الصوت الي يدردم بأذنك ويگلك انت مو كفوء ومامنك فايدة وفلان احسن منك! لاتسمعلو.. بدلو بصوت يؤمن بيك ويشجعك ويحفزك على انو تكمل طريقك وتصل هدفك.
ثاني طريق: لاتقارن نفسك بأحد..
لمن تقارن روحك الحقيقية بأشخاص ماتعرف عنهم غير الي همة ظهرو الك، هينه انت ماگعد تكون عادل مع نفسك
لأن اكيد ذولاك الاشخاص ماظهرولك غير الجانب المثالي من شخصيتو والي بي ، الشخص الوحيد الي تحتاج تقارن نفسك بي هوَ انت الي بالماضي.
ثالث طريق: ذكر نفسك انو ماكو احد مثالي...
اذا تريد تكون احسن نسخة من روحك ابذل جهد حتى تحقق اهدافك مو حتى تصل للمثالية، لاتتصنع وتغير شخصيتك تسويها نسخة من شخصيات مشهورة لان ماراح تصير نسختهم من صحيح لا بالتالي كل واحد ولوا فكر وتخطيط وشخصية تختلف عن الثاني خليك (انت بس) شخصيتك لنفسك وتحقق هدفك بقوتك.
رابع طريق: ركز عالاشياء الي تكدر تغيرها..
لمن تركز على شي ماتگدر تغيرو راح تصرف طاقة چبيرة بالتخطيط والتفكير على شي مامنو فائدة،
فأصرف هاي الطاقة على شي بي فائدة ويجيب نتيجة ومن الممكن انو يفيدك حيل بالمستقبل وتبني نفسك وشخصيتك ومستقبلك همين بهاي الطاقة الي گدرت تغير بيها.
اذا اكو كلام مافهمتو تعال رد هينه
وان شاء الله الكلام يكون واضح وتكونون استفاديتو منو.
باي.
