اليوم مفتحين البسطية وگعد نبيع بأمان الله يوم حالو حال بقية الايام ف جو جماعة الحجي العصائب اشترو رگيتين وسألو عن الاسعار والمصاريف وتكاليف البسطة ف اني مع نفسي گلت يجوز يريدون يدعمونا وكذا شو بنهاية السوالف گالو لازم تنطونة ضريبة كل شهر طبعا هي بس بالاسم ضريبة لان البلدية هي الي تاخذ ضرائب وهي سمحتلنا انو نفتح بهالمكان ف سعر الضريبة(على كولتهم) چان چبير حيل يعني مال مول او محل جبير ف حاولنا نقنعهم انو يقللون السعر عالاقل وماقبلو ف تصايحنة معاهم وخابرو البلدية وبما انو العصائب الاله مال العراق ف البلدية هم تخاف منهم واجو كالو بعد ماتفتحون لان مانطيتوهم فلوس وگلنا لمدير البلدية انت نفسك كلت عادي تفتحون قبل فترة ويجي هذا حتى شهادة ماعندو يكلك خلي يعزل؟ يگول لا مو هو الحجي يگول گلتلو مو هو الحجي نفسو ماعندو شهادة🙂ف دار راسو ومشى يعرف السالفة عويصة وعزلونا لان ماقبلنه ننطيهم فلوش بالشهر 700الف🤡
تشوفون ذاك الجندي واكو ورا هم مقر من النجدة ومال مرور كلهم محد منهم تدخل لان يعرفون حتى وضيفتهم يخسرونها اذا سولفو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
😂صاير وصخ لا الي خلگ احدد شواربي ولا لحيتي لان جان الشغل اغلب المرات شفتين
وفي الختام احبتي ادعو انو الله يديم نعمة العصائب وربع الله وحزب الله وكل جماعة الله وسرايا السلام لان گعد يوفرولنة الامان ويحمونة من مدري منو واصلا شنو فلوس فدوتهم كلهن اهم شي يسترون اعراضنه🥳
