تخيل..
گعد تمشي رايح تحرر وطنك من القذارة الي بي ، تگول لاهلك اني رايح للساحة وامك تگلك محروس وليدي دير بالك على نفسك،بالطريق تشوف دراجة تكول مع نفسك : بس يتحرر الوطن ويصير الشغل زين ويتعين بابا اخلي يشتريلي مثلها ،
او تشوف سيارة وتتخيل ابوك وامك راكبين بيها وانت ورا ومتونسين ورايحين لمدينة الالعاب ،
تمشي بعد تشوف ثنين كبلز (مرتبطين) وماسكين ايدين بعض وتكول لصاحبك شوكت نكبر ونصير هيج ههههههههه ويضربك بالشقة يكلك بعدك صغير ولك خليك بدراستك هسه ،
وتمشي وتصل الساحة وترتفع عندك الوطنية وتشيلك الغيرة على اخوتك وترفع العلم العراقي وتسند ربعك..
وفجأة ! تجيك طلقة تنهي حياتك والاحلام الي حلمتها وانت بطريقك للساحة وانت بعدك ببداية عمرك !
ومن منو جاية الطلقة ؟ من اين بلدك ، بس شنو شايل سلاح ايراني لان همه كالولو تكتل ابن بلدك ، ومنو يقود ويأمر القاتل؟ مقتدى الصدر الي هوَ يدعي الاصلاح !!
ترتفع روحك للسما شوية وتشوف صاحبك الي طول الطريق تحلم ويا نايم فوكك يبجي ويصرخ،
وانت بطريقك للسما تفكر تكول ياتُرى راح ياخذون حقي ؟ بس تدحك وتشوف انو الاف الناس معمية عيونهم ويتبعون مقتدى وتأيس،
بس تدحگ على مكان مليان نور وتشوف ثوار يهتفون بأسمك وشايلين صورتك بالايد اليسرى والعلم العراقي بالايد اليمنى وتبتسم ، وانت مع نفسك متأكد انو الحق مايخسر وتشوف انو الثوار منتصرين بس انت حالياً بدار حقك ماتكدر تبشرهم هالبُشرة.
رحم الله كل شهيد من شهداء الثورة الشريفة ولعن الله كل حاقد.
اصغر شهداء ساحة الحبوبي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#مقتدى_قاتل
#الاحزاب_مجرمة
#الحكومة_فاسدة
#اتباع_مقتدى_جهلة
#ثوار_تشرين_النور_الابيض❤🇮🇶🤍
