هلو ياب شلونكم
بدأ العام الدراسي واغلبكم راح تغلقون علمود الدراسة ف حبيت اودعكم من هسه،
(ملاحظة:من اكول طالب يعني للبنت والولد جمع)
طبعاً اغلب الطلاب هسه راح تنأخذ منهم موبايلاتهم علمود يهتمون بالدراسة اكثر وهمه راح يضوجون من اهلهم لان عاملوهم هيچ وهوَ مايعرف هالشي لمصلحتو، عزيزي الطالب انت بكل الحالات مرحلتك مهمة اذا چنت وزاري ف لازم تشد حيلك وتترك الفون واذا چنت مرحلةعادية ف هاي اساس لمراحل الوزاري يعني بالحالتين لازم تترك كلشي وتنتبه للدراسة وتترك الفون ولاتغلط مثل غلطتي چنت اتعارك ويا اهلي لان ياخذون الفون وبالاخير بطلو ياخذونو وصرت عالاساس مو مقيد وبالاخير رسبت لان ركزت عالموبايل والي بي والحياة العادية،
وبالنسبة للتحضيرات اليومية اهم شي بالعام الدراسي حتى لو جانت دروس چثيرة انت من تدرسها راح تصير سهلة حيل بوقت الامتحان، اني بحياتي ماحضرت يومي وتالي رسبت 3 سنوات بالثالث وبالاخير يلا صحيت وركزت على دراستي ونجحت الحمد لله،
خُلاصة الكلام انو ماكو اي شي اهم من دراستك سوالف الموبايل والطلعات كلها تنگضي بالعطلة ووكت الفضاوة.
وبالتوفيق للجميع وان شاء الله ترجعون للواتباد وانتو ناجحين ومتفوقين كلكم ورافعين راس اهلكم.💜
ليش گعد احس نفسي مدرس كعد يحچي ويا طالب هسه توو ناجح للمتوسطة وكعد يشجعو، يلا ماعلينا.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
باي ♡
