هذا البارت من كتابة وبحث رضا R____1
السلام عليكم
دائماً بعمر المراهقة وبمرحلة نشوء العقل دائما الشخص
يسأل نفسه سؤال
شلون أتعلم وشلون اقره كتب؟
اني الزم الكتاب شوية بس امل؟
شلون ازيد من معلوماتي؟
شلون اتثقف؟
وهذا شي كلش خطأ
لأن على الرغم من أن الكتاب يعتبر مصدر معرفة خام
لكن مصادر المعرفة تگدر تحصلها بأكثر من مكان والموضوع ما يقتصر على الكتاب فقط وحتى الي يقرأ كتب
عنده مصادر معرفة ثانية للأطلاع بجانب الكتب الي يقراها
شنو هنة مصادر المعرفة؟
ابسط مثال هو يوتيوب
يوتيوب مصدر معرفة جيد جدا يخليك تطلع على هواي افكار وتاخذ فكرة عنهن بطريقة تصويرية وصوتية وتلكه هواي قنوات ما تخليك تمل على عكس الكتاب.
محد ينكر ملل الكتاب في بعض الأحيان لكن الي يدفعك علمود تقرأ كتاب هو دافع المعرفة لكن أذا تجيب كتاب وأنت ماعندك دافع معرفة رح تشمرة بأول ٥ دقايق
وإذا أنت جنت تسأل هذا السؤال وأني جاوبتك
فَ اني ما كملت ،ببساطة يا صديقي هسة انتَ رح تروح على اليوتيوب يطلعلك عبودي ابن الدورة وعلي شاكر ورح تضحك وتكول هاي يا مصادر معرفة الي يحجي عليهن؟؟
لا حبيبي مبدئيا كده هاي النماذج اضربهم بلوك وجايبلك قنوات يفرن راسك بأول كم فيديو ورح تكون مصادر معرفة ممتازة
ملاحظة مو بالضرورة اكون متفق وداعم لكل ما يُطرح بالقنوات الي رح انطيها.
قنوات عِلمية:
نبلش بأول قناة
سلام بتحكي قناة معرفية علمية
ووياها قناتين ثانيات من نفس البنية يشتغلن على نفس المحتوى وتسوي لقاءات وية مفكرين وعلماء وباحثين ومتخصصينو كاعد تصنع محتوى رهيب
ودا تطرح نظريات جدا مثيرة وغريبة
بالأضافة ميزتها هو التبادل بالأفكار الي يصير
من خلال لقاءاتها مع عقول مختلفة من الباحثين والمتخصصين والمفكرين
حلقة حول الأنفجار العظيم مع البروفيسور في علم الفلك د.حنا صابات قناة (سلام بتحكي) متخصصة باللقاءات
القناة الثانية :
هل انت مخير ام مسير من القناة الثانية (سلام قطناني) متخصصة بالعلوم المبسطة
القناة الثالثة:
النظام التعليمي الألماني مع هاشم الغيلي القناة الثالثة
(سلام clips ) متخصصة بمقاطع قصيرة مقتطعة من اللقاءات
