مرحباً كيف الحال؟ (خلي اكتب بالفصحى مليت من العامية)
راح اكتب عن موضوع مهم حيل واغلب الناس يعانون منو ، مو منو حرفياً لكن من المواضيع الي تخصو
هوَ بثور الوجه (حب الشباب)
اغلب الي عدهم حب الشباب يعانون من فضول الناس واسألتهم اكثر من الحبوب نفسها !
مثلا:
اووو هاي ليش هيج وجهك مليان حبوب؟
ليش ماتعالج وجهج؟
من شوكت وجهك صار هيج؟
ماراجعت طبيب؟
والخ من الاسألة المحرجة.....
وهنا هذا الشخص الي وجهو بي حبوب راح ينحرج ومايعرف شنو يرد ويحس انو هوا بي نقص او فد شي مو زين
اني اكثر شي اوجه كلامي لصاحب هاي الحبوب لان هذا الانسان صاحب الاسألة المحرجة مخو محشش من تكلو لاتسأل هيچ اسألة راح يگلك اني اكول هيج علمودو،
اني كومة عانيت منهم لان وجهي بي حبوب بدت تطلع من دخلت بعمر المراهقة وجنت اضوج من الاسألة هاي بس بعدين تعودت وصارت عادي،
اذا وجهك طلع بي حبوب فهذا مو عيب ولا شي محرج ولا شي بشع هذا شي طبيعي عند كل البشر بالاخص اصحاب البشرات الدهنية،
اعرف كومة ناس يستحون يطلعون من وراها وهيا شي عادي لا محرج ولا عيب ولا حرام هوا شي من الله
تكون اسبابو
اولا تغير هرمونات الجسم اول ماتكبر.
ثانيا تبديل هرمونات الجيم بين فترة وفترة.
ثالثا حبوب دهنية(تطلع بسبب اهمال البشرة ).
رابعاً حبوب مؤقتة.
خامساً حبوب اللقاح .
كلها حبوب مو انت مسوي شي حتى يطلعن ف ليش تنحرج منهن؟
سوي واجبك بس الي هوا تنضف بشرتك يومية وخلاص هيا تنتهي بفترة الشباب واكو بعضهم تتأخر عدهم لان بشرتهم دهنية،
هيان اني مامخلي مكان مارايحلو و24 ساعة برا ليش ماانحرج منها؟ لان شي عادي عند الكل ، ف تجاهلو هالشي ولاتخلونو يكون عائق نفسي الكم لان كثر التفكير هم من اسباب زيادة البثور ،
اسمع كومة ناس يكولون والله فلان او فلانة عيبو الوحيد وجهو مليان حب! هالشي اكبر غلط لان لو سمع هذا الشخص راح تتدمر نفسيتو حرفياً بسبب كلامهم الجارح الي كذب اصلا لان هوا ماينگال علي عيب!
تعالو خلي ندحك عالجانب المشرق 🌝
اصحاب البشرة الدهنية الي تكثر بوجههم الحبوب لمن يكبرون بالعمر ماراح يصير بيهم تجاعيد بوجههم من وكت يعني وجهك يضل صافي اكثر من مدة صاحب البشرة الناشفة (الي تقل بيها الحبوب)
الزبدة من الموضوع انو بثور الوجه مو عيب ولا حاجز يمنعك من الطلعة ومواجهة الناس وتبوسهم وتسلم عليهم وكذا ولا تخلي يكون مصدر احراجك لان لمن تنحرج وتفكر بي يزيد !اني صايرة بيا هاي الحالة
اسأل مجرب ولا تسأل حكيم
ان شاء الله تكونون استفاديتو من كلامي وصار عدكم دافع انو تواجهون جماعة الاسألة المحرجة وسوالفهم السخيفة وغيرهم.
دُمتم بخير🍂🤎🍂
