إنطفاء نجمة
للكاتبة : Hawraa
... وبين الادري ، والمدري
عشت حاير
من ادنك مدري الم دمعي
مدري الم الوگع من شعري..
...........
جمان...
كمت على حيلي بسرعة واني اشمر اللحاف من فوكاية جان شعوري منتفض، وكلبي يخفق بخوف كتلها بصدمة
... شنو شنو عيدي؟؟؟
... وجع، اشهب معتقلي على اساس لاكين عندة مخدرات خطية ابوج طلع يركض
... مستحيييل اشهب ميسوي هيج اكيد اكو شي غلط بالموضوع
كالت وهي تلم بالفراش
... وشمدريج عيني شدعوة هالكد واثقة
باوعتلها بحدة، وكلت
... لان اثق بأشهب اكثر من ما اثق بيكم
... يا ادبسز عود تكولها بوجهي الحيوانة ولا تستحي
عفتها ومشيت، دخلت للحمام وكلبي يرجف خايفة عليه انوب بسلا يأذو سودة بوجهي ضليت بس افكر شلون هيج اخذو ومعقولة هنة الة؟ لا مستحيل اشهب لو يموت ميسوي هيج شنو قابل ما اعرفة هو قبل حتى التدخين جان يقرف منة وجان عندة عمة يشرب يتقزز منة وبس يحجي عليه يموت منة مو عاد مخدرات!!
طلعت من الحمام انشف بوجهي وحايرة
ضليت بدوامة تفكير اروح واجي حتى ريوك ماتريكت خليت امي تتصل على ابوية كايللها ماكو شي جديد
للضهر اجة ابوية يبدل ويروح لبيت عمتي، كال وهو يلبس بالجواريب
... يكول مو الي الجنطة اشهب ، ويحجي بثقة اصلا مو ميجذب مبينة مو الة لبسوها براسة هسة دنشوف الكفالة بالكي يطلعو.
اني كدامة اسوي نفسي ما مهتمة بس شنو بداخلي ميتة نار وتسعر بية لان ميستاهل اشهب الي ديصير بي ابد، رحت فتحت علاكة الدوة ومالي نفس بكلشي متنرفزة حيل شربتة وضليت بس افتر رايحة جاية حجيت ويا ترف كالت
... هو هذا رائد ابو الملاهي لو يريد بأشارة يطلعة
بليل احجي ويا بالكي يقبل، ولو اقرف منة بس على مودج
سديتة منها بالكي صدك يكدر يطلعة، مر يوم ويومين وتلاثة واربعة واحنا على نفس المنوال كل يوم اخلي راسي على المخدة ودمعتي بعيني تنزل بحسرة اتخيلة يبقى طول عمرة بالسجن واني الي حسيتة مثل الامل الجديد بالحياة يعني هستوني بديت اوكف على رجلية من جديد رجعت انتكست بدخول اشهب للسجن ،
خلي يطلع والله بعد ما انفر منة وارد على مكالماتة كلهن وارجع مثل قبل ويا بس خلي يطلع ياربي
انام واني استغفر وادعي يطلع.
صار اسبوعين واهلة، ودولة اكل وملابس روحي تفرفح من يجيبون طاريه اخاف ليأذوا هناك ترف ابوها كايل اني مادخل نفسي ومن هل حجي بس راحت تحجي ويا مرة ثانية، اتصلت علية كالت
... انعل يومج جمان لج فحطني يلا قبل تدرين كتلة هذا خطية عائلة بركبتة وهو خوش ولد يصير ابن عمة جمان وضليت اسفط حجي صرت مؤلفة جان يكلي الله كريم احجي ويا الولد اليوم
أنت تقرأ
إنطفاء نجمة
Romanceأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
