إنطفاء نجمة
للكاتبة :Hawraa
كل الرفاق أحبّه، الا من شَهد انهيارك
وراهن على نجاتك دائماً، هذا عزيز الروح..
قراءة ممتعة لتنسون التعليقات الجميلة
🖤
..........
ترف....
نايمة وداخلة بمرحلة من السبات العميق
حسيت على حركات مزعجة، غطيت راسي منزعجة
سمعت همسات يم إذني
... ترافتي ، حبيبي يلا كوم كافي نوم
تنرفزت ونداريت مغطية راسي رجع كشفني وهو يحجي
... كومي يابه مكضيتها بس نوم شسالفة
حجيت بتذمر
... اهووو جسررر عوفني والله ميتة نعاس
... ترا البارحة نمتي من وكت، وهسة الدنيا ضهر وماكاعدة كومي دا اكول موزين
... عوفنيييي انييي اكوم بس روح
... اسوي ريوك وارجع، الكاج كايمة
هزيت راسي ، ورجعت تغطيت شكد مزعج دعوفني انحم شعندي كاعدة بهالبؤس هستوني دا اغفى مرة ثانية ماحسيت غير انشاليت من مكاني
... جسرررر نزلنييييييي
باس خدي قوي، وهو يكول
... افييييش ريحة هَلي.
مسحت خدي بضهر ايدي
... شكد مقرف من الصبح تبوس
... الدنيا راح تصير عصر يابه
نزلني يم المغسلة وراح غسلت وجهي وضليت صافنة عالمراية بوجهي عدلت شعري ورحت للمطبخ يمة ، خلة الاكل واكلنا هو غدة وهو ريوك
بعدين هو طلع لليل يلا اجة كالعادة يجي تعبان
مرات انقهر عليه، ومرات احاول اقسي كلبي بس غبية اضل افكر بي.
بيوم جنا كاعدين هو يكلب بالحاسبة يشتغل
واني ضايجة كاعدة عالتلفون روحي طافرة
فجأة كال
... كومي
... بسم الله، خير؟
سد اللابتوب، وكام من مكانة
... اخذج لمكان
كلت مضيقة عيوني
... وين؟
... ضايجة؟
هزيت راسي بأيجاب، كال
... چا تعالي بدون اسئلة
كمت متكاسلة ردت اروح ابدل كال
... لا تبدلين منروح بعيد
اومئت بهدوء، وطلعنا من البيت جانت الدنيا عصر
والجو حلو كادني من ايدي ومشينا
... مبين تحب هيج اماكن
... حيل احب الطبيعة
... واضح، كل طلعاتك هيج
ضلينا نمشي والجو كلش حلو، تركت ايدة ورحت للورد اباوع شكد حلو يجنن دنك اخذ وردة بيضة صغيرة وتقرب علية خلاها ورا اذني ابتسمت واني ارفع ايدي حتى اثبتها
... خلي نكعد هنا المكان حلو
... لا مابقة شي، ونوصل
بعد دقايق سحبني من ايدي واخذني لمكان
جان عبارة عن شجرة جبيرة كلش ومسويها ضل داير مدايرها وكدامها نهر، يعني جمالها مينوصف مشيت بالمكان ، واني اكول بتعجب
... شلون جماال
أنت تقرأ
إنطفاء نجمة
Romanceأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
