انطفاء نجمة
للكاتبة : Hawraa
وإذا رأيت حسنها وهي تبتسمُ, قلت ربِّ،إغفر لعيناي إن ثمُلت🤍.
لتنسن التصويت فراشات🖤 🦋
.............
ترف....
احس كلبي وكع من عيطتها تصفك بأيديها بحقد
وتصيح، وتحجي علينا جسر راح عليها وهو اعصابة
محتركة كلت شوية بعدلة يحطها ويكتلها وكفت بوجهها واني اكوللها بحدة
... احترمي نفسج هواي سكتتلج روحي كوليل وذا؟ على شنو اخاف واني مامسوية شي؟
دفعتني من جفتي، ومشت وهي تكول
... اني الج هسة اعلمج منو تحترم نفسها ساق**
خلي يعيد تربيتج شوية يضبج مخليج على حل شعرج
مشت وجسر يريد يلحكها وكفتة، واني اكلة
... اوكف جسر وين رايح عوفها هاي كاولية
فرك كصتة بعصبية، وحجة وهو يباوع بعيوني بقلق
قابلتة بنضرات خوف
... ماتشوفيها شلون تتبربك مال سحل، وربج لو عندي سلطة عليها
هزيت راسي بيأس، وكتلة
... هسة خلي اروح واشوفها شتسوي
رجع شعرة ليورة بقوة وعروق ايدة بارزة من عصبيتة
كال ونضراتة خوف علية واضحة
... روحي يبا اذا حاجاج ابوج ذبي كلشي براسي
كوليلة ماعلية هو حجة وياي تمام؟
... لا لا شلون
خزرني، وكال
... ترررف مثل ماكتلج سوييي بدون عناااد ذبيها براسي ليأذيج
ابتسمت بدفو ونسيت كل العالم لهل درجة يخاف علية
هزيت راسي، ومشيت واني بداخلي اكول لو اموت ما انطي بي واوكعة بمشكلة
دخلت للمطبخ لكيت شاهيناز واكفة
كالت بقلق
... ترف روحيلها ترا راح تسويلج مشكلة مبينة
حاولي تسكتيها
اوف يربي ماعندي طاقة الها نهائيا، هزيت راسي
ورحت اسمع صوتها يلعلع من غرفتها تحجي بالتلفون
مبين نقلت كل الاحداث لبابا واضح هل شي
ورة شوية طلعت من الغرفة باوعتلي بشماتة
تمالكت اعصابي وحاولت احجي وياها بهدوء
... بلة هسة شستفاديتي؟ من ألفتي سيناريو وسويتي كل هل دراما؟
... يكفيني انو تنشمرين بالشارع حبيبتي
باوعتلها بقرف الي مثلها حتى حرامات انزل نفسي
الها واردها مو مثل كل مرة اتعارك وياها لا عفتها ومشيت صعدت لغرفتي اكرط بأضافيري بتوتر هسة ابوية فرتة فر الله يعلم شراح يسوييي
ضليت بتوتر فضييع لحد ما صار الليل واجة بابا وصاح علية
نزلت سويت نفسي طبيعية بلعت ريكي من شفت بابا شكد عصبي كالعادة صاحني للمكتب
دخلت بهدوء ، وسديت الباب وراية عاط بية بصوت
... وتاااااالي ترررف تاااااالي؟ بزعتينييي بابا بزعتينييي كل يوم مصيبة جديدة
أنت تقرأ
إنطفاء نجمة
Lãng mạnأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
