انطفاء نجمة
للكاتبة : Hawraa
شلع كلبي غيابك وانت مرتاح
ضل مرتاح كلبي يروحلك فدوة..
تصويت فراشاتي الجميلات 🖤
.............
جمان...
آخر الليالي تنتهي، وآخر الانفاس تُكتم
وآخر ألامال تُهدم واحدة تلو الاخرى
من دون توقف
، ولا إستئذان تتحطم احلامي،
وكبريائي ، وذاتي ،
كل شيء في داخلي يشعر بالخيبة
، والحُزن محيط في مُهجتي
، والدموع تُذرف متتالية، ايذاناً على تحطمي....
.. اليوم حنتي كاعدة ، وأيدي محناية صافنة
بالخلاء من دون شعور اتحرك اروح واجي مثل ميكولولي اطبق بدون كلام الدمعة الواكفة بعيني اريدها تطلع متطلع واكففة مثل غصة كلبي،
درت عيوني على بدلتي حمرة ابتسمت بأستهزاء
اصرو ع اللون الاحمر اني لو يوكع بيدي اللبس اسود
اباوع عماتة، وخالاته يركصن ماما تركض هنا وهنا على المعازيم وفرحانة لان جايبين ذهب هواي وياهم
فزيت من شرودي على ايد ترف تلزم ايدي، باوعتلها اتصنع الابتسامة كالت بحزن
... شبيك حبيبي كومي نركص ونفرح طز بالراح قبل الي اجى
... لا ترف مالي خلك
ضيقت عيونها، وكالت
... هسة اكومج بس خلي هاي عمتة الي بس تعنفص تتعب، وتكعد ماكو مجال للركص من وراها
كلبت عيوني ، وكتلها
... ترف خليني اعيش اللحضة واحزن دسكتي مني يا ركص
جانت تحاول تغيرلي جو وتضحكني اعرف سوالفها، كالت
... اييي خذاهاا الما سهر بالركن تتااالي الليل
... انكتمي ترف انكتمي
ضحكت، وكالت وهي تتقرب من يمي
... لج عيييع شكد بيئة عيب احجي هيج ، وماريد اتنمر بس يا خيتي يجبرون الواحد يتنمر عليهم هاي التعنفص شكتني ولج راح اكوملها
ابتسمت، وهي تكمل
... عززا شوفيها شلون عركانة ومستمرة تركص وتهز خرب، هاي مبينة من هذني جماعة زوجي سور سعادتي وتلكيها تسمع شعر ايات الاسدي
... اكلتيها للمرية، منو هاي ايات الاسدي
كالت، وهي تاكل كيكة
... شبيج هاي الي عدها قصيدة عضيمة تكول بيها
، ومن يحجي الرجل كالضفدع تطفرين
لج الكلمة علة رجلج عدل رديها
مديلات وشياكة ، وعارضات ازياء
والزه...
قاطعتها واني اكرصها
... اسكتي عاد لتضحكيني انوب سوتلي مساجلة شعرية
ضحكت ، وكالت
... جا شعندي غيرج غير انه اريد اشوف ضحكتج الحلوة
ضيقت عيوني
... جسر افندي مأثر عليج هواي ام الـ جا
كالت مبتسمة بحب
... جا شعبالج
أنت تقرأ
إنطفاء نجمة
Romanceأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
