إنطفاء نجمة

البارت 10

انطفاء نجمة

للكاتبة : Hawraa

"قلبي ينادي كأذان المسجد وقلبك مسيحي لا يبالي..."

تصويت حبايب قلبي، علقو ع الفقرات اذا تحبون🖤
........................

جسر....
كمت بسرعة ويا عطت بي
... لك احجي شكووو

كال وهو يلهث من الركض
... اسعد متعارك، والتمو علينا انه ويا الحك راح يموتو

ركضت للغرفة اخذت سلاحي وجان تصير بوجهي امي شراح يخلصني
... والعباس ابو فاضل ماتطلع وبيدك سلااح جيبة كو** ناقصنا مصايب

... يماااا دخيييل ربججج عوفيني متشوفين ابنج مدمى

... وحگ الله ماتطلع اخذلك توثية،ماتاخذ سلاح

فركت وجهي اخذتة مني امي واعرفها غير تلحكني حافية ، ونزلت طاير وعلي وياي اخذنا تواثي وطلعنا جان قريب على البيت ما رحنا بالسيارة رحت ، وألكيهم ملتمين عليه ومسوين ولية مال مخانيث عليه وهو صاير تراب دخلنا انه وعلي همة تلاثة

والله اكلنا بوكسيات بس جان النصر إلنا شي اكيد كسرت التوثية عليهم واسعد اباوعلة، نايم على التراب ويباوع راحو هذولاك وهمة يتحلفون
... دمشي ساقطين هتلية اريد كو*** منكم اخ ك** يگرب صوبنا وحگ الله اشگة شكتين

باوعلي اسعد يتفل دم ويضحك
... لك هاي شنو بروسلي شوكت وصلنا

كتلة بقرف
... شارب الخايس موو

كومتة، وهو يكول
... يمعود انه، انه ماشرب اصلا انه رجل شريف عفيف جنت بالجامع اصلا

باوعت لعلي ، وكتلة
... خاب ما تدكة بزيج من يمك، جان بالجامع وريحتك تكتل

... عمي شربتتت ببس بسس شوية شوية، هيج ربع بطل مالحكت اكملة

هزيت راسي بيأس وصلتة لبيتة ورجعنا اصنف علر علي حلكة مشكوك وانه كصتي هم انشخطت شخط طويل، هو اسعد العرگجي مو هين ادري مسوي دكة ناقصة لو غالط عليهم وكتلو ابو زايد بس لان ضاربين علي لا هاي واكفة احرگ الدنيا فوك روسهم .

رجعت للبيت تلكتني امي كلبها واكع ، والضغط مفول مرن اليومين ، ورجعت لدوامي الصبح واكف بيدي الجكارة انتضرها تراف تشرف وتجي

اجتي متأخرة كالعادة تمشي ركض ابتسمت لا اراديا من شفتها احب عفويتها حتى بمشيتها، قبل لتوصل يمي وجان تعثر بالكعب العالي مالتها الي يطلع صدى بنص الشارع ووكعت على وجهها

كلت بكلبي، رتاحيت يا جسر طكيت البنية بعين
رحتلها اركض والضحكة حابستني ساعدتها تكوم وهي تدردم
... ااااخ رجلي اخخ متت، انعل يومج الحية بيج ولا بية ان شاء الله

... شموازيج لابسة هل علو يابه

باوعتلي بغضب وكالت
... شو احسك متشمتت، اضحك اضحك ليش تضمها بكلبك خاف تموت بحسرتها