إنطفاء نجمة

البارت 5

إنطفاء نجمة

للكاتبة: Hawraa

..شهل تبذير يا ابن النشامة، كلما درت وجهك نلكة شامة.

قراءة ممتعة، لتنسون التصويت بكم نكتمل🖤

................

ترف  ...
الجامعة جانت شي مختلف من اول يوم متوترة حييل واتفقنا اني وجمان نلتقي هناك ومكدرت انام من الحماس طبعا حضرت ملابسي سترة سمائية وبنطرون عريض وسترابلس ابيض واكسسوارات صدك اني المفروض اصير فاشنيستا كلش احب اهتم بالموضة وهل سوالف اطلع كل حركة كلبي من رائد بالسوك والصرف

صارت الساعة بال 6:00 ، دكيت على جوجة ما ردت الثولة كالت بس رمشيلي اكعد ضليت ادك وعشرين مكالمة وماااكو شمرت التلفون يلا هسة امها تكعدها رحت للحمام غسلت وجهي ونضفت بشرتي وطلعت لافة الروب مال الحمام على جسمي

كعدت كبال الميز اسوي مكياجي خليت شي خفيف لان اني اصلا حلوة ودوام وتعب مو مال مكياج ثخين كملت ولبست ملابسي باوعت الساعة هم يلة نزلت اشوف صگر بابا كال هو يوصلج، اخذت جنطتي وطلعت برة سئلت الحراس كالو بعدة ما اجة اففف شلون سالفة كلت يجوز لان بعد وكت

كعدت بالحديقة انتضرة ما شرف استاذ صگر ، ايع شنو هل اسم صگر حتى ثكيل ع المعدة مينهضم ضليت افتر متوترة ومااكو وكلش تأخر الوقت يلا اجةة يممااا شلون دمي فار عليه بهذيج اللحضة واكف بكل شموخ الي يكول ابن وزير مو حارس بس مانكر كمية الجمال الي الله مخليها بوجهة يعني يفيد واحد يصبح بوجهة شوية يفتح النفس، بسسس هو حقير شكد بااارد انوب الاستاذ كعد يشرب كهوتة وكذا وولا معبرني

فقدت اعصابي وهو من عليت صوتي وكب علية اخترررعت حرفيا مخبل مو صاحي يمة شلون خفت من نضراتة الي صدك نضرات صگر لو يوكع بيدة يشرب من دمي ما ناقشتة ومن وصلنا جنت حالفة ميدخلوني بس دخلوني وبدون نقاش

رحت حايرة ماعرف وين انطي وجهي، فتحت التلفون لكيت جمان كومة داكة دكيت عليها بسرعة ردت ، كالت
... وينج يمعودة وحدي مدا اعرف وين اولي

كعدت على مصطبة وكتلها وروحي طافرة
... اسكتي جماان لتذكريني انز**ب باليوم من بدايتة، تعالي علية وينج دا اكلج

... اني وصلت يم الكافتريا يمكن

كمت دا اروحلها واني اكول
... شبساع تعلمتي ع الكافتريا البارحة جنتي تكولين حانوت

سديتة ورحت افرفر اريد اندل الكافتريا سئلت بنية دلتني شكرتها بأبتسامة ورحت، عذا الولد حتى وجههم ما مغسلي وبس يباوعون حسيت روحي مصلخة، بس شنو اني من النوع شخصيتي قوية امشي رافعة راسي واطگ بكعبي ميهمني اكبر واحد

رحت للكافتريا وشفتها كاعدة وتشرب عصير الخاينة رحت كعدت بسرعة وشمرت الجنطة ع الميز بأهمال ، كالت
. .. وعليكم السلام، صباح النور شعندك كالب وجهك من الصبح ياحلو؟