إنطفاء نجمة
للكاتبة : Hawraa
عيني إذا نظَرَتْ لحُسنِكَ سبَّحتْ
سبحانَ من خلقَ الجمالَ وجمَّلكْ..
قراءة ممتعة ، لتنسون تعليقاتكم الاحبها🖤
................
إرتخت ملامحي الي تعتليها الصدمة، وفرجت بين شفايفي ناطقة
... هاي شدتحجي جسر!!
رد بجدية مرجع ضهرة بهدوء
... الي سمعتي كبد
... مستحيل يعني هاي هية خلصت الحلول الة اتزوجك لو اموت
... فكري بعقل يابه، مال اعوفج مستحيل وكعدتنا هيج الى متى؟
حجيت بحيرة
... مادري ماريد عوفني عادي خلي يكتلوني يخطفوني مليت عاد بالكي يخلصوني من حياتي
اخذ نفس متنرفز، وكال
... يعني عادي عندج تموتين بس اهم شي منتزوج
حجيت ببرود
... اي
اخذ نفس من النركيلة، زفرة وكال
... بدون طيش ترف، دا اكلج فكري على كيفج مو مال عناد هي حتى اذا وافقتي من باجر نعقد
كمزت بأندفاع
... لوو تطلع نخلة براسك
... مو دتشوفيني ساكت هواي، الزمي لسانج لتصيرين وصلتيين
عفست ملامحي معيبة عليه، وهو كمل بجمود
... بعدين هو بس عقد يعني مو زواج فعلي وعرس وهالسوالف مجرد حتى تضلين بمسؤليتي ومتتقيدين لا من قانون ولا شرع ولا اهل.
... جسرر مو شرط نتزوج ترا، وين عايشين احنا عوفني اني جبيرة اكدر اعتمد على نفسي واعيش
ضحك مستهزء
... اضل اعيد بالحجي انه؟ الحجي سهل يابه اگلج جماعة ابوج منتظريج على احر من الجمر كل ضنهم انتي عندج علم بسوالف ابوج ومن ضمن شغلة
صفنت اباوعلة عاقدة حواجبي بتفكير، مشيت بحيرة اريد ادخل كال
... خلي علاقتنا على صفحة، وفكري عدل ورديلي خبر حتى اضبط اموري
سكتت وكملت طريقي مادري شحجي كعدتي ويا صدك غلط ، دخلت للغرفة اقتر وافكر حتى راسي وجعني كل الي ببالي اني ماريد انجمع بجسر بهيج علاقة حتى وإن بس عقد
انوب من اجي افكر من غير ناحية الكي حجية منطقي وفعلا ميصير هيج نضل سوة ، وهو عندة اهل ويحتاج يروحلهم وشنو رح تكون ردة فعلهم ومنو يكول اتقبلهم ويتقبلوني ماريد عفية .
اختنكت كلش، وماعرفت حتى اجمع افكاري اتصلت على جمان ردت علية
... ها عمري شلونج خما صار شي
رديت بضجر
... ها جمان، موزينة
حجت بتفهم
... سولفيلي من البداية
... شسولف
... الشي الي مضوجج
ابتسمت بتعب، وبلشت احجيلها كلشي ردت علية
... بغض النظر عن الي سواه جسر مو قليل ما ابري ابد، بس تدرين حجية صحيح وهو يكدر يحميج
أنت تقرأ
إنطفاء نجمة
Lãng mạnأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
