إنطفاء نجمة
للكاتبة : Hawraw
وأني احببتَك حُب أنت تجهلهُ، مابال قلبَك لا يَعرف حُبي لهَ؟
قراءة ممتعة، تعليقاتكم الحلوة لتنسوها حبايب 🖤
..................
ترف....
جنت كاعدة اشوف فيلم الساعة بحدود ال 5 العصر الشمس بدت تتلاشى من سماها معلنة عن الغروب،
جسر جان طالع من الصبح طبعا من يوم الي سواه بالمطبخ واني ما مباوعة بوجهة احس بالخجل واحتقار لنفسي شلون سمحتلة هيج يسوي.
فجأة دخل مخبوص، توجه ناحيتي وهو يكول
... كومي بسرعة
حجيت ببرود
... وين؟
كال بعصبية
... مووو وكت اسئالة، كومي بدلي و اخذي جم قطعة ملابس نشتري غيرهن عود
كمل كلامة، وهو يروح للغرفة ويرجع شايل بيدة غراضة وكفت واني اكول
... غير لو افتهم وين رايحين؟
صاح بية بصوت عالي
... كلتتت بسرررررعة بدليييي يلاااا
فززني صوتة، واضح الموضوع جدي وغير قابل للنقاش
رحت للغرفة دا ابدل هستوني نزعت ملابسي ماحس غير الباب انفتح علية عطت بصوت منفعلة، واني استر جسمي
... جسررررر شبيييييييك
ماهتم الي ولا باوعلي، كال بعدم مبالاة
... مو وكتج هسة
اخذ شكم شغلة من غراضة بجنطة داير وجهة، واني لبست ركض واعصابي احتركت شكد اتنرفز منةة
، اجا اتصال كال
... جاي يلا
سدة، وكال متنرفز
... امشيييي يالفهاااوة بسرررعة
انقبض كلبي مبين صاير شي، ماجادلتة
اخذت اشياء رئيسية احتاجهن وطلعنا وهو يسحل بية ويمشي سريع شفت سيارتة يم العمارة خلا الجنط ورا وصعدنا، انطلق بسرعة بحيث خفت من سرعتة
كل شوية يباوع وراه ويلتفت، واني التفت ويا
كلت بنفاذ صبر
... ممكن تفهمني شديصير!!
كال وهو مركز بطريقة
... اندلو مكاننا، الكو***
... وهسة وين رايحين احنا، رح نضل مثل ام البزازين كل يوم ببيت؟
كال عاقد حواجبة، ومبين عصبي
... مكان آمن.
ضل كل شوية يجي اتصال خبلني انوب حجية كلة الغاز
يحجي ويا هذا يسميه الخال، خليت راسي على الجامة بحيرة تعبت والله من هاللعبة شوكت تخلص كلشي بحياتي مضطرب.
ضليت اباوع للطريق وهو اتصالاتة ماسكتت، ومنفعل ويصيح كل شوية اكول رح يشمرني من الجامة
بلش يجي الليل وهو يمشي، كال بهدوء
... جعتي يابه، ننزل؟
هزيت راسي بنفي ، رد بنفس النبرة
... شو مالچ خلك؟
... مابية شي
... متأكدة؟!!
هزيت راسي ، وطلعت ايدي من الجامة صار ينزل مطر بشكل خفيف وبلش يقوى ابتسمت لا إراديا شكد احبببة
... اسد الجامة خاف تبردين
أنت تقرأ
إنطفاء نجمة
Storie d'amoreأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
