إنطفاء نجمة
للكاتبة :Hawraa
إلى متى .. والظروف تعيقُ حلم السنين ؟
قراءة ممتعة لتنسون التصويت لطفاً،
ومتابعة حسابي🖤
hhooo66
..................
ترف....
حسيت رجلية صارت مثل الخيوط كل حيل مابية حتى اوكف، اسمع صوت ركع البوب وصوت اسلحة وصار رمي ايدية يرجفن وتلفوني بس يدك لمحت اسم جسر على الشاشة الي صار هواي مشايفتة عليها
من خوفي رديت بسرعة، اجاني صوتة وهو يكول بلهفة
... ترف اسمعيني يابه
... جج جسر
... اششش بس اسمعي ترف رحمة للكائنات، اختلي بأي مكان ضمي روحج ولتطلعين نهائيا
كتلة بصوت يرجف
... و ووين
عاط بية بغضب
... بسرررررعة لج راح ترحين بالرجلييين
ركضت بسرعة حتى بدون ما اسد الخط فتحت الكنتور وحيلي كلة يرجف كعدت بالخانة وخليت كدامي الملابس المعلكة ، سويت الجهاز صامت واحجي بهمس
... شديصير جسر
... جايج انه اهدي لتطلعين صوت
خليت ايدي على حلكي خايفة احاول اربط الاحداث وشمدري جسر باللي ديصير ، نسيت كل تفكيري من سمعت عياط ابوية وركعة قوية على باب غرفتي
سديت حلكي بأيدي كاتمة شهكاتي والخوف تارس روحي
اسمع صوت يكول
... يمعود ماكو احد امشي عاد هو رائد وبيدنا
... دوكف شبيك عندة بنية تلكيها هم مثلة ك***
فتحت عيوني، وماكو دعاء ما قريتة بكلبي وشفايفي تهمس " يا مغيث اغثني " ياربي بس طلعني منها راح اتحجب وماطلع شعراية من حجابي،
اسمع صوتهم يدورون يمكن دخلو الحمام، جان تجي عيطة قوية
... امشووو ولكمممم يلاااا أمر إخلاء
ما سمعت بس صوت ركضهم، الحمدلله ربي راحو
ضليت بمكاني حاضنة رجلية لصدري ماكدر اتحرك جسمي من فرط الصدمة ميعيني حتى اكوم ، هدء الجو وتلاشت الاصوات من البيت واني على كعدتي
مرت نص ساعة يمكن جان اسمع صوت بالبيت وباب الغرفة اندفع، كلبي وكع وحسيت رح يغمى علية حضنت نفسي اكثر ادعي ربي يحميني
فجأة انفتح باب الكنتور، واشوف ذيج العيون الغاضبة مقابلة عيوني الدامعة نزل اللثام من وجهة وبانت ملامحة وارتخت من شافني بخير
... كومي ترف ماعدنا وكت
كمت على كيفي وطلعت مد ايدة يريد يساعدني ما لزمتها، كتلة بحدة
... شديصير فهمني؟!!
اخذ نفس، وزفرة لزم كصتة وكال
... اعتقلوا حضرة جناب الوالد وصار اشتباك بين حراس ابوج الشفية، وبين القوات العسكرية ولو ماخذيج وياهم ولاكفيچ لو يجي الحمزة ماتطلعين
أنت تقرأ
إنطفاء نجمة
Romantizmأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
