إنطفاء نجمة

البارت 34

إنطفاء نجمة

للكاتبة : Hawraa

‏امْرأة حينمَا تلمِسُني ..
تتخِذُ كُلّ الفوضىٰ المَوجودَة بِـداخلي
طَـريقـةً مـا فِي الترتيـب .

لتنسون التصويت، والتعليق على الفقرات 🖤

قراءة ممتعة.

..............

ترف....
فزيت من نومي افرك بعيوني بفزع ، كلت بصوت نَعس
... شبيك جسر

كعد بصفي ، وهو يكول
... كومي احچي وياج

غطيت راسي، واني اكول
... خرعتني عبالي شوف شكو اكو واحد هيج يكعد

باوعلي وهو يفرك بوجهة بعصبية
... دا اكلچ كومي

جر الغطى من راسي كمت متململة
... شكد شفت بحياتي ناس مزعجين بس مثلك ابد ماكو

فتح تلفونة وهو عاقد حواجبة بعصبية كلبي وكع عبالي شوف شكو

،حجة بهدوء وهو ضاغط على اسنانة
... منو هذا ترف؟

ضيقت عيوني شفت المحادثة مالتنا اني وكمال الغبية نسيت احذفها، كلت بعدم اهتمام
... شعليك؟

... صبرييي الة حدود دا اتفاهم وياج منوو هذاا ؟

رفعت حاجبي، وكلت
... وشنو ماعندك ثقة بية ؟

رجع شعرة ليورة، وكال بنفاذ صبر
... هو لان عندي ثقة بيج دا اتعامل وياج بكل هدوء تعاي فهميني يلا انه حيل هادئ

كتلة مستنكرة
... ما مبين

عاط بصوت
... مو دنكووول هاااادئ بت المطيييي احجيييي

كتلة ببرود
... لتغلط بعدين وين الهدوء الي بالموضوع؟

فرك وجهة بعنف وعيونة صايرات حمر
... لتحاولين تستفزيني، كلة عيني وكلبي وحبيبي؟؟ شترديني اسوي؟

... كلشي لتسوي عوفني انام

ضغط على فكة ودمارات ركبتة برزت اكثر اول مرة اشوفة بهيج حالة بحيث عيونة ناطات من العصبية هز راسة متوعد، وكال
... يصير خير

طلع وركع الباب وراه كبر عاف الضوة معلوك
ضليت متلفلفة وافكر خاف يكتلني واني نايمة هذا تحول صار وحش مخبل وربي، بس ليش هيج ديسوي احنا مو منفصلين عود يغار عشتوو

ابتسمت بيني وبين نفسي دخلي يتعذب شوية يضوك الي ضكتة قابل راح يموت لو ينقص من عمرة ، تحلفت بي والله ما اكلة منو لو تطلع نخلة براسة خل يتحرمص
كعدت الصبح شبعااانة نوم اصلا طلع من خشمي النوم 
لان ماعندي شي اسوي غيرة

طلعت ماشفتة رحت غسلت ودخلت للمطبخ لكيت الاكل على الميز حاضر ، بس بهاي الفقرة يعجبني جسر
كعدت اكل وهو دخل للمطبخ كملت بكل برود اعصاب مدري شنو اخذ من الكاونتر وطلع متنرفز ويركع بالبوب ابو عصاعيص ، بعدها حرت شنو اسوي ملل دخلت سبحت وطلعت صرت كبالة متكتفة كتلة
... طلعني