إنطفاء نجمة
للكاتبة :Hawraa
عيناكِ قيّدت قلباً كان بالأمسِ حراً.
.
.
لتنسون تعليقاتكم الحلوة حبيبات😔🖤
..............
ترف....
اباوعلة بصدمة فاتحة عيوني ، واني اشوفة لازم خاصرتة وايدة عبارة عن دم ضربت على رجلي بهلع
بدون ما احس واني اكول
... عزا بعيني جسر شبيك !!
كال بألم وهو يلزم الباب حتى يدخل
... مو وكت صفناتچ يابه!
مشيت بسرعة، واني كلبي اجة يوكف من المنظر
حجيت بخوف
... شسوي جسر عفية هاي شبيك منو هيج سوة بيك
كال ،وهو عاقج ملامحة بوجع
... مابية شي
كلت بصدمة
... شنوو مابيك شي متشوف الدم!!
ارتجى علية واخذتة للغرفة مدد على الفراش
اشرلي اجيبلة مخدة، واني حيلي كلة يرجف
ماعرف شنو اسوي خليتهن جوة راسة صار شبه
كاعد
... شبيج ترجفين لتخافين عيناي
جان كلش متوجع مبين عليه، بحيث نسيت كلشي
للحظة حسيت اني راح افقدة ونسيت كلشي صار، من خوفي ضليت ماعرف شسوي
حجيت بخبصة
... هسة شسوي جسر عفية ليش مارحت للمستشفى، منو سوة بيك هيج!!
كال وهو يضغط على الجرح بوجع
... بس اهدي، وروحي جيبي وصلة ومي دافي بسرعة
هزيت راسي وركضت طلعت تيشيرت من عندي
اخذت مي بكاسة، ورحتلة اركض خليتهن يمة وايدية ترجف، كال بألم
... فتحي الجنطة السودة بيها باندج ولاصق
ومعقم جيبيهن
رحت ادور واخبص بسرعة، جبتهن واجيت
خليتهن وايدي ترجف لزم ايدي وكال
... باعيلي لا ترجفين، مابية شي باعي صيري سباعية!!
هزيت راسي والدموع متجمعة بعيني ، كال بوجع
... هسة عقمي وضمدي، تكدرين؟
هزيت راسي بسرعة مخبوصة ساعدتة
ينزع تيشيرتة على كيف باوعت الجرح شكلة يخوف
كلبي انعصر عليه الله يساعدة شلون وجع، جبت الوصلة خليتها بالمي وبلشت امسح بي على كيف
كال وهو موجوع
... خفي ايدج شوية شهالفهاوة
... اخاف اوجعك!!
هز راسة نافي، واني ايدي ترجف واعقم بي
خليت كطن وعقمتة ماجان جبير الجرح بس واضح عميق من جوة لان كومة نازف خليت اللاصق واخيرا
وهو عاقد حواجبة متوجع
رحت جبتلة مسكن الم، قربتة من يم شفايفة
وانطيتة مي شرب وكال
... فديت الزوجة الصالحة الي مداريتني
كلت منزعجة
... مو وكتك جسر
كعدت يمة واني اتحسس كصتة خاف مصخن
هواي نازف، وهو يباوعلي بأبتسامة مال تعب
حجيت بقلق
... هسة شلون يربي!! ، غير تروح مستشفى
... ماكدر
... زين منو سوة هيج؟!
... غلسي
أنت تقرأ
إنطفاء نجمة
Romanceأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
