إنطفاء نجمة
للكاتبة : Hawraa
" أنا وأنت مثل الحادي والثلاثين من ديسمبر
والأول من يناير
قريبون جدا ولكن بيننا عام "
..............
ترف....
لزمت راسي وكعدت اعض بشفتي بتوتر
واطكطك بأصابعي، رفعت ايدي خليتها بين خصلات شعري شديصير راح انفجر من التفكير كمال زلزل كل كياني وصدمني من گال " جمال يصير زوج امي اني من غير اب ، ماعرفة ولا شايفة بحياتي اسمة رائد يمكن "
غمضت عيوني، واني اهمس بيني وبين نفسي
... حسبي الله ونعم الوكيل بيكم
يعني ما دا اعرف شنو نوع الاهل الي الله بلانا بيهم
اذا انتو مو كد المسؤلية ليش تخلفون؟
اذا انتو من اصلكم ما متصالحين ويا نفسكم
وعدكم عقد نفسية ليش تجيبون اطفال؟
شنو ذنبهم؟
اني شنو ذنبي ما التقيت بأمي ؟
كمال شنو ذنبة حتى اسم ابو بالكوة تذكرة؟
عيشونا بتشتت، بعمري ماحسيت بدفو عائلة
حقيقية كلها تصنع وكلها مصلحة ما بحياتي عشت
لحظة ويا ابوي وحسيتة يحبني من صدك، يعني ما اكول غير حسبي الله ونعم الوكيل على الي سوو بينا.
بوقتها سديت التلفون بدون نقاش معرفت شنو اكلة
بس رب العالمين ميكطع بعبدة وخلانا اني وكمال ننجمع صدفة يجي يوم وتنكشف الحقيقة ويعرف اني منو، ويعرف ابو منو وشنو من انسان مجرم ،
عشرين سنة عمري وهسة يلا اكتشفت عندي اخ من دمي ولحمي ليش؟؟ شنو هل ظلم
نمت ودمعتي على خدي وكلي يأس وحيرة بزماني
روتيني صار اكثر ملل بهواي من قبل يعني مسجونة اني بي السجن ذهبي ،
كعدت ثاني يوم الساعة ب 3 العصر
جسمي متكسر من النوم اخخ ضهري فركت عيوني، وخرت الغطى فتحت تلفوني انوب صايرة مدمنة عليه لان ماعندي غير ملجأ شفت رسالة خلتني ابتسم تلقائياً
... بعدك نايم يالتَرف؟
انشگ حلكي من الابتسامة وكتبت
... لا كعدت
بسرعة شافها واتصل، رديت واني صوتي مبحوح من النوم
... صباح الخير
كال واكو صوت يمة مال سيارة
... يا سباح هذا بابا ضل سباح راح تسير الدنيا ليل
... اهوو لتضل تعيب بعد ما گلك صباح الخير
... لا وين اكو احلى من سباح الخير مالتك يابه
ابتسمت وكتلة
... وين انت؟
... اسوق يابه راجع من شغلي
... صوتك تعبان
تنهد، وكال
... اي والله انسلك ابو ابوي
... ههههه شنو ذنب جدك
... مو ابوي خوش رجال ماكدر احجي عليه
... اهاا
... اكلتي
أنت تقرأ
إنطفاء نجمة
Romanceأنا تِلك النجمة التي إنطفئ نورها تُرا هل سيأتي القمر لينيرُ عُتمتي.؟ بقلمي: حـوراء
