إنطفاء نجمة

البارت 2

انطفاء نجمة

للكاتبة : Hawraa

..تمادينا بالتفكير ونسينا ان الاقدار مكتوبه.

قراءة ممتعة لتنسون التصويت🖤
..............

ترف...
" هسة يلا تذكرتني لو من ردت تتزوج وبزعت منها تريد تشمرها علية لاااا بأحلامك ، و مستحيل تفكر بيها تدري كلش زين ترف من البداية جانت غلطة لاا مو بس غلطة واكبر غلطة بحياتي هم، اني حاليا مستقرة لان بعيدة عنك وعن شرك يا ضالم عندي زوجي واولادي وممستعدة اضحي بيهم على مودك انت وبنتك ،مالي شغلة وين متوديها وديها عسا ما تشمرها بلشارع مو شغلتي افتهمت وممنوع تحاول تحجي وياية بعد لا اخلي زوجي يتصرف وياك "

الخيبة الي عشتها بهل لحضات جانت اكبر خيبة امل اتعرضلها بحياتي، صعبة جانت حيل علية بحيث احس اطرافي ثلجت وترتجف بقوة مثل الهزاز صرت بس ارعش ، غمضت عيوني بحركة قوية وفتحت رجعت رفعت ايدي الترجف ورجعت شعري ورا اذني احس اريد ابجي بس مدتنزل دموعي

بلعت ريكي واحس حلكي نشف مديت ايدي على جيبي طلعت تلفوني اخذت صورة للحساب والرسالة وسديتة ورجعت تلفونة بمكانة خاف يجي ، كل هذا واني على رجفة الوحدة واحاول اهدئ نفسي حتى ما انهار هنا مشيت بخطوات بطيئة وما متوازنة وفاتحة عيوني بقلق وخوف،

لحظة إدراك؛ الانسانة الي صاري سنواات ومن ووعيت على الدنيا اني احلم اشوفها متريدني وتكلة اشمرها بلشارع ، الي جنت اتمنى اشوفها واني طفلة محتاجتها واشوف البنات ويا امهن واني وحدي اتحسر حتى اسمع صوتها وبنفسي بس اكللها ماما ولو مرة وحدة بحياتي

جنت متعلقة بيها وبية أمل جبير انو بيوم اشوفها واطلع عايشة بجذبة وابوية جذب علية من كالي، امج عافتج وانهزمت ويا صاحبها ، ايي اي طفلة اني ويكلي انهزمت ويا صاحبها شوفو كمية التربية الي يعتمدها ابوية وشلون يخاف على مشاعري لتنجرح؟

جنت كلما افتح موضوع ويا ابوية واسئلة يصيح علية ويرزلني ويهيني ويخليني اتندم لان جبت سيرة " امي ، يمة حييل انكسرت بهاي الكلمات القليلة الي كتبتهن بدون كلب حييل تأذيت وانخذلت

ابوية الي يتضاهر بحبة الي ومغركني بالفلوس عبالة هيج الحنان، طلع يريك يشمرني ههه عجيبة والله يا دنيا هذا الاضطراب والتفكير كلة تكوم علية واني امشس بخطوات بطيئة والتلفون بيدي عاصرتة حيل بجف ايدي صعدت اول بايتين من الدرج متمسكة بالمحجر قوي حتى لا اوكع من الدوخة ووجع راسي

ماريد ابقى هنا لا لا ماريد ابقى هو ميريدني بعد واني هم ماريدة ولا اريد طاريهم بلحظة تهور طلعت امشي بخطوات متثاقلة مدا اركز شدا اسوي ممكن تكولون كلامي مبالغ بي بس من تتأمل بشخص طول عمرك واول ماوعيت وفتحت على الدنيا راح تكون كسرة عضيمة من تتفاجئ انو انت اكبر غلطة بحياتة !!